რადაში აჩვენეს ვიდეო, სადაც სავჩენკო მომხრეებთან ერთად სახელმწიფო გადატრიალების გეგმას განიხილავს (ვიდეო)

2018-03-22 16:37:55, 2543 ნახვა

მსოფლიო

უმაღლეს რადაში აჩვენეს ვიდეო, სადაც დეპუტატი ნადეჟდა სავჩენკო მომხრეებთან ერთად უკრაინაში გადატრიალების გეგმას განიხილავს, - ამის შესახებ TCN იუწყება.

"გთავაზობთ გადატრიალებას. ისინი ფიზიკურად უნდა მოვიშორეთ. ეს მხოლოდ ერთი მეთოდით არის შესაძლებელი. ერთი დღე და მხოლოდ შიგნიდან. მერე უნდა გავაკეთოთ ყველაფერი, რომ ისინი გაიქცნენ. ნაკლებად მაინტერესებს სამთავრობო კვარტალი, უფრო მათი სახლებით ვართ დაინტერესებული. ნებისმიერ შემთხვევაში, თუ ახლა ამ გარღვევას არ გავაკეთებთ ნებისმიერი ხერხით, მაშინ სიცოცხლეს აზრი არ აქვს", - აცხადებდა სავჩენკო ვიდეო ჩანაწერში.

გარდა ამისა, საუბრის მონაწილეები განიხილავენ გადატრიალების მომზადებას, ასევე იარაღის საკითხს და იმ ფორმატს თუ როგორ უნდა მოხდეს გადატრიალება.

ასევე, ვიდეოდან ირკვევა, რომ უკრაინის პრეზიდენტ პეტრო პოროშენკოზე თავდასხმა იგეგმებოდა, რომელსაც თავად ნადეჟდა სავჩენკო განახორციელებდა.

გამოძებამ დაადგინდა, რომ გადატრიალების ორგანიზატორებმა, ე.წ. დონეცკის სახალხო რესპუბლიკის თვითგამოცხადებული ხელმძღვანელის ალექსანდრ ზახარჩენკოსგან იარაღი მიიღეს. ის გადატრიალებას მხარს უჭერს.

სულ ვიდეომასალა 28 წუთინია.