ფინანსური ვალდებულებების, მოსალოდნელი რისკებისა და სააღსრულებო პროცედურების შესახებ ლექცია-სემინარი აღსრულების ეროვნულმა ბიურომ თბილისი მე-11 საჯარო სკოლაში გამართა.

პრევენციული კომუნიკაციის პროექტის ფარგლებში, სასესხო პრობლემების ირგვლივ საუბარი დამამთავრებელი კლასების მოსწავლეებთან შედგა.

14-17 წლის მოზარდებმა აღსრულების ეროვნული ბიუროს თანამშრომლებისგან დეტალური ინფორმაცია მიიღეს ვალის, ფინანსური ვალდებულებებისა და ადმინისტრაციული სახდელის შესახებ; თავდებობის, იპოთეკის ხელშეკრულების გაფორმების შემთხვევებში აღებული ვალდებულებებისა და უფლებების შესახებ; არასასურველი ვალისგან თავის დაცვისა და ადმინისტრაციული ჯარიმების საურავების შესახებ.

პროექტის მიზანია, მოზარდთა კონკრეტულ ასაკობრივ ჯგუფებში, რომლებიც მალე სრულწლოვანი მოქალაქის სტატუსს მიიღებენ და შეეძლებათ ფინანსურ ვალდებულებების აღება, მოახდინოს პრევენციული კომუნიკაცია, რათა ახალგაზრდები ერთის მხრივ ინფორმირებული იყვნენ საკუთარი უფლებებისა და ვალდებულებების შესახებ, ასევე თავიდან აიცილონ დამატებითი ხარჯები, დაზოგონ დრო და ენერგია.

პრეზენტაციას აღსრულების ეროვნული ბიუროს აღმასრულებელი ეკატერინე მარხვაშვილი და საზოგადოებასთან ურთიერთობის მენეჯერი, პაატა შამუგია უძღვებოდნენ. პრეზენტაციის დასრულების შემდეგ აღსრულების ეროვნული ბიუროს თანამშრომლებმა მოსწავლეების კითხვებს უპასუხეს.

პრევენციული კომუნიკაციის პროექტი აღსრულების ეროვნულმა ბიურომ შვედეთის საერთაშორისო განვითარების სააგენტოს მხარდაჭერით შექმნა და მას რამდენიმე წელია თბილისისა და რეგიონების სკოლებში ახორციელებს. პროქტის ფარგლებში, ხდება დამამთავრებელი კლასების მოსწავლეების ინფორმირება, რათა მოზარდებმა აწონ-დაწონონ და გააცნობიერონ შესაძლო რისკები, ვიდრე ვალისა და ფინანსური ვალდებულებების აღებას გადაწყვეტენ. ამგვარ შეხვედრებს აღმასრულებლები საჯარო სკოლის მოსწავლეებთან რეგულარულად მართავენ. თითქმის ყველა შეხვედრის შემდეგ ბავშვები აცხადებენ, რომ მიწოდებული ინფორმაციის დიდი ნაწილი მათთვის აქამდე უცნობი იყო და რომ ფინანსური ვალდებულებების აღებას უფრო ფრთხილად მოეკიდებიან.

(NS)

ავტორი: ,

სოციალური ქსელები

კობა ფარტენაძის თქმით, მას ბათუმში თავს კიდევ ერთხელ დაესხნენ

შსს - დავაკავეთ 3 პირი, რომლებიც ცივი იარაღის მუქარით, ორ მოქალაქეს სხვადასხვა ბანკიდან ონლაინ სესხის აღებას აიძულებდნენ

ავტომობილის ქურდობის ბრალდებით, 2 პირი, მათ შორის, ერთი არასრულწლოვანი დააკავეს

მოსკოვის რეგიონში Wildberries-ის უდიდეს საწყობს დრონით თავდასხმის შემდეგ ცეცხლი გაუჩნდა