ცნობილი ინგლისელი ფიზიკოს-თეორეტიკოსი სტივენ უილიამ ჰოკინგი კემბრიჯში, საკუთარ სახლში ოთხშაბათს, დილით გარდაიცვალა. ამის შესახებ ინფორმაციას  BBC  ავრცელებს. 

“ის იყო დიდი ადამიანი და მეცნიერი, რომლის ნაშრომი და მემკვიდრეობა წლობით გააგრძელებს არსებობას”, – ნათქვამია ჰოკინგის შვილების განცხადებაში. 

სტივენ ჰოკინგს 21 წლის ასაკში მძიმე განუკურნებელი ნევროლოგიური დააავდების – ამიოტროფიული გვერდითი სკლეროზის დიაგნოზი დაუდგინეს. 30 წლის ასაკში, ამ დაავადებამ,  მისი სრული პარალიზება გამოიწვია. 

გარდა იმისა, რომ აღნიშნული დაავადება ადამიანს მოძრაობის უნარს უკარგავს, ის იწვევს იმ კუნთების  პარალიზებასაც, რომლის საშუალებითაც ადამიანი სუნთქავს. ექიმება ჰოკინგს დიაგნოზის დასმისას უთხრეს, რომ ის ორ წელს იცოცხლებდა. თუმცა, მათი პროგნოზი არ გამართლდა, ჰოკინგი სამეცნიერო მოღვაწეობას აგრძელებდა, ორჯერ დაქორწინდა და სამი შვილის მამა გახდა.

სტივენ ჰოკინგს 1985 წლიდან საუბარიც არ შეეძლო, თუმცა ის იყენებდა სპეციალურ კომპიუტერს (ხმის სინთეზატორს) და ამით ეკონტაქტებოდა ადამიანებს, ატარებდა ლექციებს და ა.შ 

1998 წელს მან გამოსცა წიგნი „დროის მოკლე ისტორია", რომელიც ათმილიონიანი ტირაჟით გაიყიდა. მასში სამყაროს აღმოჩენაზე, ბუნების სივრცესა და დროზე, შავ ხვრელებსა და სუპერსიმების თეორიაზეა საუბარი.

ჰოკინგის ცნობილი სამეცნიერო შრომებია: „დროისა და სივრცის მსხვილმასშტაბური სტრუქტურა“, „ფარდობითობის ზოგადი ავტორის თეორია: აინშტაინის 100 წლისთავისადმი მიძღვნილი მიმოხილვა“, „გრავიტაციის 300 წელი”; ასევე წიგნები „დროის მოკლე ისტორია“, „შავი ხვრელები, ახალგაზრდა სამყარო“.

ავტორი: ,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო