რუსეთის პრეზიდენტმა ვლადიმერ პუტინმა აღიარა, რომ "პეგასუსის” სამგზავრო თვითმფრინავის ჩამოგდების ბრძანება გასცა, - ამის შესახებ Reuters იუწყება. 

მედია საშუალების ინფორმაციით, აღნიშნული შემთხვევა 2014 წელს მოხდა. სოჭის ზამთრის ოლიმპიადის გახსნამდე, პუტინს შეატყობინეს, რომ “პეგასუსის” თვითმფრინავი, რომელიც უკრაინიდან სტამბოლში მიფრინავდა, გაიტაცეს, გამტაცებლები კი, სოჭისკენ გაფრენას ითხოვდნენ.

როგორც პუტინმა წინასაარჩევნოდ გადაღებულ  ფილმში განაცხადა, უსაფრთხოების ოფიცრებთან კონსულტაციის შემდეგ მან ბრძანება გასცა, ემოქმედათ “გეგმის მიხედვით”. მისივე განმარტებით, გეგმა გულისხმობდა ნებისმიერი თვითმფრინავის ჩამოგდებას, რომელიც ტერორისტულ საფრთხეს წარმოადგენდა.

შეტყობინება თვითმფრინავის გატაცების შესახებ ცრუ აღმოჩნდა. თვითმფრინავი 110 მგზავრით მშვიდობიანად დაეშვა სტამბოლში.

ავტორი: ,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო