საქართველოს კულტურის პალატა და კულტურის სფეროს წარმომადგენლები რუსეთის პრეზიდენტ ვლადიმერ პუტინს ღია წერილით მიმართავენ.

კულტურის სფეროს მუშაკები პუტინისგან არჩილ ტატუნაშვილის ცხედრის გადმოსვენებას ითხოვენ.

„ჩვენ, საქართველოს ხელოვნების სფეროში მოღვაწე ადამიანები შეშფოთებულები ვართ არჩილ ტატუნაშილის დაღუპვის გამო. მდგომარეობას კიდევ უფრო ამძიმებს ის გარემოება, რომ ორ კვირაზე მეტია, ოკუპირებული ცხინვალის რეგიონიდან ვერ ხერხდება ცხედრის გადმოსვენება. ბატონო ვლადიმერ, ეს ფაქტი კიდევ უფრო აღვივებს რუსეთთან დაპირისპირებას და დარტყმის ქვეშ აყენებს ისედაც შესუსტებულ ქართველ-რუსულ ურთიერთობას. ჩვენ, ქართველი ხელოვნები კატეგორიულად მოვითხოვთ, დაუყოვნებლივ მოხდეს, ჩვენი მოქალაქის - არჩილ ტატუნაშვილის გადმოსვენება, რათა ოჯახმა და მთლიანად ქვეყანამ შევძლოთ ცხედრის დატირება“,- ნათქვამია წერილში.

რუსეთის პრეზიდენტისადმი ღია მიმართვას ხელს ზურაბ ყიფშიძე, ასმათ ტყაბლაძე, ნუნუ გაბუნია, თეიმურაზ გვალია, თამარ ჭოხონელიძე, ლია მიქაძე, დავით ოქიტაშვილი, მაკა მახარაძე, მარიკო კვალიაშვილი და ირმა სოხაძე აწერენ.

ავტორი: ,

სოციალური ქსელები

მოსკოვის რეგიონში Wildberries-ის უდიდეს საწყობს დრონით თავდასხმის შემდეგ ცეცხლი გაუჩნდა

ნატოს გამანადგურებელმა რუმინეთის თავზე დრონი ჩამოაგდო

საწვავის კრიზისის გამო რუსეთის რეგიონებმა ბენზინის ფასების შეზღუდვა დაიწყეს

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის