რადას დეპუტატი - კიევში, ე.წ. კარვების ქალაქის დემონტაჟის დროს, სააკაშვილის „სამეფო ტახტი“ იპოვეს

2018-03-03 16:37:26, 2981 ნახვა

მსოფლიო

კიევში, უმაღლესი რადას შენობასთან გაშლილი ე.წ. კარვების ქალაქის დემონტაჟის დროს სამართალდამცველებმა საქართველოს მესამე პრეზიდენტის მიხეილ სააკაშვილის „სამეფო ტახტი“ იპოვეს, - ამის შესახებ უკრაინელი დეპუტატი ანტონ გერაშენკო Facebook-ის საკუთარ გვერდზე წერს და შესაბამის ფოტოს აქვეყნებს.

როგორც გერაშენკომ აღნიშნა, "ტახტი" ერთ-ერთი ტელესერიალის ატრიბუტიკას ჰგავს.

"უკრაინის პარლამენტთან ერთ-ერთ კარავში ნაპოვნია მიხეილ სააკაშვილის ტახტი, რომელიც ტელესერიალ „სამეფო კარის თამაშებში“ გამოყენებული ტახტის მიბაძვით არის გაკეთებული", - წერს ანტონ გერაშენკო.

გარდა ამისა, დეპუტატი იმ საბრძოლო მასალების ფოტოებსაც აქვეყნებს, რაც პოლიციამ კარვებში იპოვა.

სეგახსენებთ, რომ დღეს უკრაინის უმაღლეს რადასთან აქტივისტებსა და სამართალდამცველებს შორის დაპირისპირბის დროს 100-ზე მეტი ადამიანი დააკავეს. დღეს სამართალდამცველები ე.წ. კარვების ქალაქში ჩხრეკის ჩასატარებლად მივიდნენ, თუმცა მომიტინგეებმა მათ წინააღმდეგობა გაუწიეს. მოგვიანებით მათ მაინც შეძლეს კარვებში ჩხრეკის ჩატარება და Ф-1-ს და РГД-5-ის ტიპის 10 ხელყუმბარა და „მოლოტოვის კოქტეილები“ ამოიღეს.