პუტინმა ახალი ბირთვული იარაღი წარადგინა

2018-03-01 18:14:48, 2681 ნახვა

მსოფლიო

რუსეთის პრეზიდენტმა ვლადიმერ პუტინმა ფედერალური საბჭოს ყოველწლიურ შეხვედრაზე საზოგადოებას ახალი ბირთვული იარაღი და ბალისტიკური რაკეტები წარუდგინა.

როგორც პუტინმა აღნიშნა, ახალი იარაღი აშშ-ის ქმედებების საპასუხოდ შეიქმნა, რომელიც რაკეტსაწინააღმდეგო თავდაცვას აფართოებს. მისი თქმით, ახალი რუსული იარაღი ნატოს გაფართოებას აზრს უკარგავს.

გარდა ამისა, პუტინმა ფედერალურ სხდომას ბალისტიკური რაკეტა "სარმატის" 3D-ვიდეო წარუდგინა, რომელიც ანტისარაკეტო თავდაცვის სისტემით არის აღჭურვილი.

„ ასეთი იარაღის ფლობა, დიდ უპირატესობას გვაძლევს მსოფლიოში. მისი შესაძლებლობები შეუზღუდავია. როგორც სამხედრო ექსპერტები ამბობენ მისი სიჩქარე ანტისარაკეტო სისტემისთვის დაუძლეველია. დიახ, მეგობრებო დღეს რუსეთს ასეთი იარაღი აქვს“,- განაცხადა პუტინმა.

"სარმატის" სარაკეტო კომპლექსი, მძიმე ინტერკონტინენტური ბალისტიკური რაკეტით, სამხედრო შეიარაღების სიაში ჯერ არ შეუტანიათ. მან სარაკეტო კომპლექსი "ვოივოდა" უნდა შეცვალოს, როგორც ბირთვული იარაღის მიწოდების ძირითადი საშუალება რუსეთში.