2018-02-28 11:59:44, 2463 ნახვა

---

ევროსაბჭოს კონგრესის პრეზიდენტი: აუციელებლია სასწრაფო გამოძიება ტატუნაშვილის გარდაცვალების გარემოებების დასადგენად

ევროსაბჭოს კონგრესის პრეზიდენტი გუდრუნ მოსლერ-ტორსტრომი ოკუპირებულ ცხინვალში არჩილ ტატუნაშვილის გარდაცვალებას გამოეხმაურა.

როგორც ევროსაბჭოს კონგრესის პრეზიდენტმა აღნიშნა, საქართელოს მოქალაქის გარდაცვალებასთან დაკავშირებით დროული გამოძიების ჩატარებაა აუცილებელი.

„მინდა შევუერთდე საერთაშორისო თანამეგობრობას და შეშფოთება და მწუხარება გამოვთქვა ტრაგიკული ფაქტის გამო. აუციელებლია სასწრაფო გამოძიების ჩატარება არჩილ ტატუნაშვილის გარდაცვალების გარემოებების და მომხდარზე პასუხისმგებლობის დასადგენად. ასევე აუცილებლად უნდა გათავისუფლდეს ის ორი ადამიანი, რომლებიც ტატუნაშვილთან ერთად დააკავეს. ისინი ცენტრალური ხელისუფლების მიერ კონტროლირებად ტერიტორიაზე უმოკლეს დროში უნდა გადაიყვანონ“, - განაცხადა მოსლერ-ტორსტრომმა.

მისივე თქმით, ევროსაბჭოს კონგრესი საქართველოს ტერიტორიულ მთლიანობასა და სუვერენიტეტს მხარს უჭერს. მოსლერ-ტორსტრომმა გარდაცვლილი არჩილ ტატუნაშვილის ოჯახს მიუსამძიმრა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი