ახალგაზრდებში სამართლებრივი და სამოქალაქო ცნობიერების ამაღლება - ამ მიზნით იუსტიციის სამინისტროს სსიპ „დანაშაულის პრევენციის ცენტრი" საქართველოს მთავარ პროკურატურასთან ერთად განაგრძობს პროექტს - „იმიტირებული სასამართლო პროცესი სკოლის მოსწავლეებისა და სტუდენტებისთვის". 

ამჯერად, იმიტირებული პროცესი ქალაქ გორსა და თელავში, ადგილობრივ რაიონულ სასამართლოებში  გაიმართა. პროექტში 60 მოსწავლე და 20 სტუდენტი ჩაერთო.

მოსწავლეების თეორიული და პრაქტიკული მომზადების პროცესი საქართველოს მთავარი პროკურატურის აქტიური ჩართულობით ეტაპობრივად მიმდინარეობდა. პროექტში ნაფიც-მსაჯულებად უმაღლესი სასწავლებლების სტუდენტები მონაწილეობდნენ.

დასკვნით ეტაპზე, იმიტირებულ სასამართლო პროცესზე გამარჯვებული გუნდი, ასევე, საუკეთესო ინდივიდუალური მონაწილე - „საუკეთესო პროკურორი“ და „საუკეთესო ადვოკატი“ ჟიურიმ დაასახელა. 

სსიპ „დანაშაულის პრევენციის ცენტრის“ დირექტორმა თათია ხოჭოლავამ და ცენტრის წარმომადგენელმა ვლადიმერ ხელაძემ გამარჯვებულ გუნდებს სიმბოლური თასები, სერტიფიკატები, მედლები და წიგნის შესაძენი სასაჩუქრე ვაუჩერები გადასცეს.

ღონისძიებას მთავარი პროკურატურისა და სკოლების ადმინისტრაციის წარმომადგენლები დაესწრნენ. მომდევნო იმიტირებული პროცესები კიდევ რამდენიმე დიდ ქალაქში იგეგმება.

სსიპ „დანაშაულის პრევენციის ცენტრისა" და აღნიშნული პროექტის მთავარი მიზანია სკოლის მოსწავლეების  სამართლის დარგით დაინტერესება, ახალგაზრდებში მართლწესრიგის მიმართ ჯანსაღი დამოკიდებულებების ჩამოყალიბება, ადვოკატირების უნარ-ჩვევების გამომუშავება და სამართლებრივი ცნობიერების ამაღლება. 

(NS)

ავტორი: ,

სოციალური ქსელები

გერმანია ევროკავშირში რუსებისთვის შესვლის ახალი შეზღუდვების დაწესებას ითხოვს

მიიღეთ 30%-იანი ქეშბექი მეტრომარტში საქართველოს ბანკის ნაწილ-ნაწილ გადახდისას

გიორგი პატარიძე: ღარიბაშვილთან მიმართებით დამატებითი პაემნით წახალისების შესახებ სამართლებრივი აქტი არ გამოუცია, შესაბამისად, პაემანი ვერც ჩაინიშნებოდა და ვერც გაუქმდებოდა

ლევან ხაბეიშვილი - სულაც არ გამიკვირდება, კობახიძემ სცადოს ბიძინას განეიტრალება