აშშ-ის პრეზიდენტი, დონალდ ტრამპი ფლორიდის შტატში, ქალაქ პარკლენდის სკოლაზე თავდასხმის დროს გადარჩენილებს შეხვდა.

როგორც პრეზიდენტმა აღნიშნა, სკოლებში მასობრივი ხოცვის პრევენციის მიზნით, მასწავლებლების შეიარაღების საკითხს განიხილავს.

„რომელიმე სკოლაში, რომელსაც თავს დაესხნენ, მასწავლებელს იარაღი რომ ჰქონოდა, ის ბავშვების გადარჩენას მოახერხებდა. იარაღი ფარულად ატარონ. მასწავლებლები სპეციალური მომზადების კურსებს გაივლიდნენ. სკოლა აღარ იქნებოდა ის ადგილი, სადაც დამნაშავეები  კლავენ ადამიანებს. საშუალოდ, ასეთი თავდასხმები 3 წუთს გრძელდება, ხოლო პოლიცია შემთხვევის ადგილზე 5-10 წუთში მიდის", - განაცხადა ტრამპმა.

ასევე, მან შეხვედრის მონაწილეებს სკოლის დაცვის სამსახურში ყოფილი სამხედროების აყვანა შესთავაზა.

შეგახსენებთ, რომ პარკლენდის სკოლაში მომხდარ ტრაგედიას 17 ადამიანის სიცოცხლე ემსხვერპლა.

აშშ-ში უკვე რამდენიმე დღეა იარაღის აკრძალვის მოთხოვნით, საპროტესტო აქციები მიმდინარეობს.

ავტორი: ,

სოციალური ქსელები

ეჩმიაძინში სრულიად სომეხთა კათოლიკოს გარეგინ II-ის სასამართლო პროცესი მიმდინარეობს

ქუთაისში „ავტო გალერის“ ახალი მულტიბრენდული სივრცე გაიხსნა

თურქეთი, საუდის არაბეთი და პაკისტანი „აგრესორების“ წინააღმდეგ ერთად იბრძოლებენ: შეთანხმებას ხელი მოეწერა

აშშ-ის დაზვერვა ვარაუდობს, რომ პუტინს შეუძლია უკრაინაში ომის პარალელურად ნატოს წევრ ქვეყანაზე თავდასხმა