ე.წ. სამხრეთ ოსეთის „სამხედროები“ ოკუპირებულ აფხაზეთში „სამხედრო აღლუმში“ მიიღებენ მონაწილეობას, - ამის შესახებ "სპუტნიკ-ოსეტია" იუწყება.

მედია საშუალების ინფორმაციით, აღნიშნულ საკითხზე ოკუპირებული ცხინვალის დე-ფაქტო პრეზიდენტისა და აფხაზეთის ე.წ. თავდაცვის სამინისტროს დელეგაციას შორის გამართულ შეხვედრაზე იმსჯელეს.

"გვსურს, რომ აღლუმში ჩვენთან ერთად სამხედროებმა მიიღონ მონაწილეობა, რომლებსაც ოსეთის დროშა ეჭირებათ ხელში. დაე, ჩვენმა ხალხმა ნახოს, რომ ძმური ურთიერთობა გვაქვს, რადგან ერთი ბედი გვაქვს", - განაცხადა ოკუპირებული აფხაზეთის ე.წ. თავდაცვის მინისტრის მოადგილე ბესლან ცვიჟბამ.

როგორც ცვიჟბამ აღნიშნა, "აღლუმი" 30 სექტემბერს გაიმართება.

"აღლუმი უკავშირება აფხაზი ხალხის ქართულ ფაშიზმზე გამარჯვებას", - დასძინა მან.

თავის მხრივ ოკუპირებული ცხინვალის პრეზიდენტმა აღნიშნა, რომ "ორივე ერს ახსოვს 90-იანი წლები, როდესაც ნეოფაშიზმზე დაფუძნებულმა საქართველოს რესპუბლიკამ ტერიტორიების დაპყრობა გადაწყვიტა, იმ მოტივით, რომ ეს მიწები თითქოს მათ ეკუთვნით. ვეერც კი მიხვდნენ, რომ ეს მიწები ჩვენი წინაპრების იყო. სიკვდილის წინაშეც რომ ვმდგარიყავით, ამ მიწებს მაინც არ დავთმობდი",- განაცხადა ბიბილოვმა.

ავტორი: ,

სოციალური ქსელები

გერმანია ევროკავშირში რუსებისთვის შესვლის ახალი შეზღუდვების დაწესებას ითხოვს

მიიღეთ 30%-იანი ქეშბექი მეტრომარტში საქართველოს ბანკის ნაწილ-ნაწილ გადახდისას

გიორგი პატარიძე: ღარიბაშვილთან მიმართებით დამატებითი პაემნით წახალისების შესახებ სამართლებრივი აქტი არ გამოუცია, შესაბამისად, პაემანი ვერც ჩაინიშნებოდა და ვერც გაუქმდებოდა

ლევან ხაბეიშვილი - სულაც არ გამიკვირდება, კობახიძემ სცადოს ბიძინას განეიტრალება