საქართველოს მესამე პრეზიდენტი მიხეილ სააკაშვილი უკრაინის მოსახლეობას მოუწოდებს, ხვალ დაგეგმილ ანტისამთავრობო აქციაში მონაწილეობა მიიღონ.

ამის შესახებ სააკაშვილმა ვიდეო მიმართვაში განაცხადა, რომელიც Facebook-ის გვერდზე გავრცელდა.

როგორც სააკაშვილმა აღნიშნა, მოსახლეობამ პეტრო პოროშენკო და მისი ხელისუფლება მშვიდობიანი გზით უნდა გადააყენოს.

"ხვალ ხელისუფლების გადადგომისა და შეცვლის მოთხოვნით მარში გვექნება. თავად პოროშენკო და მთლიანად მისი გუნდი ორგანიზებულ დანაშაულებრივ დაჯგუფებად გადაიქცა. პრეზიდენტი, ისე იქცევა, როგორც სისხლის სამართლის დამნაშავე. უკრაინის ყველა პრობლემის ფონზე, ჩვენ მშვიდობიანად უნდა ჩამოვაშოროთ ისინი ხელისუფლებას და დავამყაროთ წესრიგი. ჩვენ უნდა შევთავაზოთ ალტერნატივა და პოზიტიური პროგრამა იმისთვის, რომ უკრაინა უკეთესობისკენ შეიცვალოს, მაგრამ ამისთვის ბევრნი უნდა ვიყოთ. სწორედ იმის გამო გამომაძევეს, რომ ყველაზე მეტად თქვენი გამოსვლების ეშინიათ. ერთადერთი, რისიც ეშინიათ, მოქალაქეების მასობრივი მშვიდობიანი პროტესტია, საკუთარი მოქალაქეების რისხვა. ხალხი კი, მილიონობით გამოვა. ველოდები იმ მომენტს, როდესაც შევძლებ, რომ შემოგიერთდეთ. დღეს მოგიწოდებთ მათი თამაშის წესებით არ ითამაშოთ. მათ შეძლეს ჩემი გაძევება, მაგრამ ვერ შეძლებენ ყველა ადამიანის გაძევებას. ნუ გეშინიათ - ჩვენ გავიმარჯვებთ“, - განაცხადა მიხეილ სააკაშვილმა.

ავტორი: ,

სოციალური ქსელები

გახარია საქართველოსთვის - ცინიკურია, რომ ოცნება ოკუპაციასა და ოკუპაციის მსხვერპლ მოქალაქეებზე მეტად ე.წ. რუსოფობიის გამო სწუხან

ნორვეგიის საგარეო უწყება - საქართველოში, 18 წლის შემდეგაც კი, ოკუპაცია გრძელდება

ბაიბა ბრაჟე – ლატვია ურყევად უჭერს მხარს საქართველოს სუვერენიტეტს, ტერიტორიულ მთლიანობასა და საერთაშორისოდ აღიარებულ საზღვრებს

პოლონეთის საელჩო – საქართველოს წინააღმდეგ რუსეთის აგრესიის მე-18 წლისთავზე, სოლიდარობას ვუცხადებთ ქართველ ხალხს