რუსეთის პროკურატურამ სასამართლოს მიმართა, "კრიმინალურ ავტორიტეტს" ზაქარია კალაშოვს, იგივე „შაქრო მალადოის“ 10 წლით თავისუფლების აღკვეთა მიესაჯოს, - ამის შესახებ "რია ნოვოსტი" იუწყება.

მედია საშუალების ინფორმაციით, საქმე შაქრო კალაშოვის მიერ განხორციელებულ გამოძალვის ფაქტებს ეხება.

მედიის ცნობით, ბრალდების მხარემ ასევე მოითხოვა კალაშოვმა ჯარიმის სახით 700 000 რუბლი გადაიხადოს. სულ გამოძალვის საქმეში 14 ადამიანი ფიგურირებს. მათ ბრალი უკვე წარუდგინეს. აღსანიშნავია, რომ ორს ბრალი სიკვდილის შემდეგ წარედგინა. დარჩენილი 12 ბრალდებულისთის პროკურატურა 7-დან 12 წლამდე თავისუფლების აღკვეთას ითხოვს. კალაშოვი ბრალს არ აღიარებს. იგი წინასწარი პატიმრობის იზოლატორში 2016 წლის ზაფხულიდან იმყოფება.

გამოძიებით დადგინდა, რომ საქმეში გამოძალვის ორი ეპიზოდი ფიგურირებს. გამოძალვის ერთი ფაქტი ეხება რესტორან Elements-ის მფლობელ ჟანა კიმის, ხოლო მეორე ბიზნესმენ ლევ გარამოვს. კალაშოვი ჟანა კიმისთვის ფულის გამოძალვის ბრალდებით 2016 წლის 13 ივლისს დააპატიმრეს. 2015 წლის დეკემბერში „საქმის გარჩევის“ დროს რესტორან Elements-თან სროლა მოხდა, რა დროსაც 2 ადამიანი დაიღუპა. აღნიშნული პირები ასევე დაჯგუფების წევრები იყვნენ. გამოძიების ვერსიით, ყველა დამნაშავე შაქრო კალაშოვის მეთაურობით მოქმედებდა.

პროკურატურის ინფორმაციით, კალაშოვი დანაშაულებრივი ჯგუფის მეთაური 2013 წელს, ე.წ. კანონიერი ქურდის ასლან უსოიანის, იგივე „დედ ჰასანის“ გარდაცვალების შემდეგ გახდა. ბრალდების მხარის ინფორმაციით, შაქრო კალაშოვი ასევე ე.წ. ობშიაკს აგროვებდა, სადაც დაჯგუფების სხვა წევრები ფულს რიცხავდნენ.

ავტორი: ,

სოციალური ქსელები

ბათუმში ამზადებდნენ ცნობილი ბრენდების ფალსიფიცირებულ ვისკისა და სხვა ალკოჰოლურ სასმელებს

პოლიციამ კომპიუტერული მონაცემების ხელყოფის ბრალდებით ერთი პირი დააკავა, მეორის მიმართ კი დევნა დაიწყო

მიხეილ სააკაშვილი – არ მივატოვე ხალხი განსაცდელში, ფეხზე დავაყენე საქართველო, მთელი დემოკრატიული სამყარო და ქვეყანა გადავარჩინეთ

აშშ-ის საელჩო - აშშ კვლავაც ღრმად შეშფოთებულია რუსეთის მიერ საქართველოს ტერიტორიის განგრძობადი ოკუპაციით