საქართველოს ექსპრეზიდენტის და ოდესის ოლქის ყოფილი გუბერნატორის მიხეილ სააკაშვილის ადვოკატებმა, ევროპის ადამიანთა უფლებათა დაცვის სასამართლოში საჩივარი შეიტანეს.

ადვოკატ რუსლან ჩერნოლუცკის თქმით, უკრაინის მთავრობა მიმდინარე პროცედურებს არ დაელოდა და სააკაშვილი ქვეყნიდან უკანონოდ გააძევა.

„ხელისუფლებამ სააკაშვილს საკუთარი უფლებების დაცვის საშუალება არ მისცა. მას შესაძლებლობა წაართვა მოქალაქეობა დაებრუნებინა და დამატებით დაცვაც მიეღო და მსგავსი ცინიკური მეთოდებით უკრაინიდან გააძევა. ამ ყველაფერს ჩვენ გავასაჩივრებთ. დოკუმენტი უკვე გაგზავნილია.   თუმცა ჩვენ მშვიდად არ დაველოდებით პროცესებს. ყველანაირად ვეცდებით სამართლიანობა აღვადგინოთ“,- განაცხადა ჩერნოლუცკომ.

შეგახსენებთ, რომ 12 თებერვალს კიევის ერთ-ერთ რესტორანში საქართველოს მესამე პრეზიდენტი მიხეილ სააკაშვილი სპეცრაზმელებმა დააკავეს. ამის შემდეგ ყოფილი პრეზიდენტი პოლონეთში გააძევეს და განაცხადეს, რომ მას უკრაინის ტერიტორიაზე ლეგალურად ყოფნის საფუძველი არ ჰქონდა. სააკაშვილი გაძევებას პოლიტიკურ დევნად აფასებს და აცხადებს, რომ ეს ვლადიმერ პუტინის, პეტრო პოროშენკოს და ბიძინა ივანიშვილის ერთობლივი გადაწყვეტილებაა. ამ დროისთვის საქართველოს ყოფილი პრეზიდენტი ჰოლანდიაში იმყოფება. როგორც ის აცხადებს, ევროკავშირში ცხოვრებისა და მუშაობის უფლება მისცეს.

ავტორი: ,

სოციალური ქსელები

კანონპროექტის თანახმად, კაზინოები საერთაშორისო ტურნირების ჩატარებისას საგადასახადო შეღავათით ისარგებლებენ

ლილოს ბაზრობა "ოცნების" მთავარი დამფინანსებელია - მფლობელებმა პარტიას 3,5 მლნ. აჩუქეს - TI

უკრაინამ ოკუპირებულ ქალაქ ოლეშკიში ჰუმანიტარული ოპერაციის მიზნით ცეცხლის შეწყვეტა გამოაცხადა

გახდი საქართველოს ბანკის სტიპენდიატი 23 პარტნიორ უნივერსიტეტში