საქართველოს მესამე პრეზიდენტი მიხეილ სააკაშვილი ვარშავაში პრესკონფერენციას მართავს.

როგორც სააკაშვილმა აღნიშნა, უკრაინიდან გაძევების მიუხედავად, ის ბრძოლას გააგრძელებს და უკან დასაბრუნებლად ლეგალურ გზებს მონახავს.

"მე ვიყავი და ვარ უკრაინელი პოლიტიკოსი. იცით, ძალიან მტკივა კისერი, რადგან გუშინ დაკავების დროს, მახჩობდბენ. თუმცა ჩემი კისრის ტკივილი გაივლის, მაგრამ მათ კისრებს არაფერი ეშველებათ. პოროშენკო, ლუცენკო, ავაკოვი - მათი ადგილი უკრაინის ციხეშია და პირობას გაძლევთ ასეც იქნება. დარწმუნებული ვარ, რომ ეს იყო რუსეთის, უკრაინის და საქართველოს ოლიგარქების ერთობლივი ნამუშევარი. ახლა უნდათ ალბათ, რომ საქმე აღძრან და ძებნაში გამომაცხადონ. ვამბობ, რომ აქ ვარ ვარშავაში - მოდით წამიყვანეთ. პოროშენკოს ახლა ჰგონია, რომ თავიდან მომიშორა და მისი მთავარი პოლიტიკური ოპონენტი მას ხელს აღარ შეუშლის. თუმცა ეს ასე არ არის. ეს მიუთითებს იმაზე, რომ პოროშენკოს ჩემი ეშინია. უახლოეს პერიოდში, სანამ ევროპაში ვარ, მუშაობას და ბრძოლას გავაგრძელებ. თავისუფალი სააკაშვილი ათჯერ უფრო სახიფათოა, ვიდრე უკრაინაში მყოფი სააკაშვილი, რომელსაც ყოველდღიურად დევნიდნენ", - განაცხადა პოლიტიკოსმა პრესკონფერენციაზე.

შეგახსენებთ, რომ 12 თებერვალს კიევის ერთ-ერთ რესტორანში საქართველოს მესამე პრეზიდენტი მიხეილ სააკაშვილი სპეცრაზმელებმა დააკავეს. ამის შემდეგ ყოფილი პრეზიდენტი პოლონეთში გააძევეს და განაცხადეს, რომ მას უკრაინის ტერიტორიაზე ლეგალურად ყოფნის საფუძველი არ ჰქონდა. სააკაშვილი გაძევებას პოლიტიკურ დევნად აფასებს და აცხადებს, რომ ეს ვლადიმერ პუტინის, პეტრო პოროშენკოს და ბიძინა ივანიშვილის ერთობლივი გადაწყვეტილებაა.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს