ამერიკელმა მილიარდერმა და ქველმოქმედმა ჯორჯ სოროსმა Brexit-ის მოწინააღმდეგეებს 140 ათასი დოლარი გადაურიცხა, - ამის შესახებ Telegraph იუწყება.

მედია საშუალების ინფორმაციით, შესაბამის განცხადებას მეცენატი დღეს გააკეთებს. მანამდე სოროსი აცხადებდა, რომ Brexit-ის მოწინააღმდეგეებს 500 ათას დოლარზე მეტს გადაურიცხავდა.

"მე სიამოვნებით ვიბრძოლებ მათ წინააღმდეგ, ვინც ცდილობდა ცილისწამების გამოყენებას და არა ფაქტების, თავიანთი წარუმატებელი იდეების განვითარებისთვის", - განაცხადა ჯორჯ სოროსმა.

მედიის ცნობით, დასახელებული თანხა ორგანიზაცია Best for Britain-ის ანგარიშზე დაჯდა. ამ ორგანიზაციას ყოფილი მინისტრი ლორდ მელოუ-ბრაუნი და ჯინა მილერი ხელმძღვანელობენ, რომლებმაც ევროკავშირიდან გასვლის ინიციატივა სასამართლოში გაასაჩივრეს.

შეგახსენებთ, დიდ ბრიტანეთში 2016 წლის 23 ივნისს ჩატარდა რეფერენდუმი, სადაც მოსახლეობას უნდა მიეღო გადაწყვეტილება, სურდა თუ არა ევროკავშირის დატოვება, ან გაერთიანებაში დარჩენა. რეფერენდუმში მონაწილეთა უმრავლესობამ - 51.9%-მა მხარი დაუჭირა ევროკავშირიდან გასვლას, ხოლო 48.1% საერთაშორისო ორგანიზაციიდან გასვლის წინააღმდეგი იყო. მიმდინარე წლის 29 მარტს, ბრიტანეთის პრემიერ-მინისტრმა ტერეზა მეიმ ევროსაბჭოს ხელმძღვანელს დონალდ ტუსკს წერილი გაუგზავნა, სადაც აცნობა, რომ დაწყებულია ევროკავშირიდან გასვლის პროცედურა, რაც იმას ნიშნავს, რომ ქვეყანა ევროგაერთიანებიდან 2019 წლის 29 მარტს უნდა გამოვიდეს. თუმცა, არავინ იცის, რამდენ ხანს გაგრძელდება ეს პროცესი, ვინაიდან 50-ე მუხლი 2009 წელს შეიქმნა და ის ამ დრომდე არავის გამოუყენებია. Brexit-ის დასასრულებლად საჭიროა, რომ შესაბამისი შეთანხმება 27 ქვეყნის ეროვნულ პარლამენტებშიც შედგეს, რასაც, სავარაუდოდ, რამდენიმე წელი დასჭირდება. დიდი ბრიტანეთის ყოფილი საგარეო საქმეთა მდივანი ფილიპ ჰემონდი ამბობს, რომ პროცესი, შესაძლოა, 6 წელს გაგრძელდეს.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს