შუახევის მუნიციპალიტეტის მერი ფრიდონ ფუტკარაძე მოადგილესთან რუსუდან შავაძესთან ერთად კულტურის ცენტრის ხელმძღვანელს და ანსამბლ "შუახევის“ წევრებს შეხვდა.

გაცნობითი ხასიათის შეხვედრაზე ფრიდონ ფუტკარაძემ მადლობა გადაუხადა ანსამბლ "შუახევის“ წევრებს მუნიციპალიტეტის და აჭარის რეგიონის პოპულარიზაციაში შეტანილი წვლილისთვის და აღნიშნა, რომ ანსამბლი გამოირჩევა საშემსრულებლო ოსტატობის მაღალი ხარისხით, წარმატებით მონაწილეობს საქართველოს და საერთაშორისო მასშტაბის ფესტივალებში, კონცერტებსა და პროექტებში, რაც ხელს უწყობს ქართული კულტურის პოპულარიზაციას, როგორც ადგილობრივად, ასევე, საერთაშორისო მასშტაბით.

შეხვედრაზე ანსამბლის წევრებმა ფრიდონ ფუტკარაძეს დაგეგმილი და მიმდინარე რეპერტუარი გააცნეს. ისაუბრეს კულტურის პროექტებში ანსამბლის აქტიურად მონაწილეობის და ახალი შესაძლებლობების მაქსიმალურად გამოყენების მნიშვნელობის შესახებ.

მუნიციპალიტეტის მერი ანსამბლის წევრებს თანადგომას და სამომავლო განვითარებისთვის მხარდაჭერას დაპირდა.

ფრიდონ ფუტკარაძე გაცნობითი ხასიათის შეხვედრებს კულტურის ცენტრთან არსებულ ყველა ანსამბლებთან მართავს.

(NS)

ავტორი: ,

სოციალური ქსელები

ორ პირს რომლებმაც მოქალაქეს ინტიმური ვიდეო გაუვრცელეს და თვითმკვლელობამდე მიიყვანეს ,ხოლოდ 5 წელი შეეფარდათ

უკრაინამ სამარის რეგიონში მდებარე „ტატნეფტის“ მსხვილ ქიმიურ ქარხანაზე იერიში მიიტანა

ყირიმში დრონების თავდასხმის შემდეგ ელექტროენერგია და ინტერნეტი გაითიშა

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს