რუსეთის ცესკო-მ პუტინი პრეზიდენტობის კანდიდატად დაარეგისტრირა

2018-02-06 14:11:51, 2344 ნახვა

მსოფლიო

რუსეთის ცენტრალურმა საარჩევნო კომისიამ, მოქმედი პრეზიდენტი ვლადიმერ პუტინი საპრეზიდენტო არჩევნებზე კანდიდატად დაარეგისტრირა.

პუტინი პირველია, ვინც ამომრჩევლების ხელმოწერის შედეგების შემდეგ დაარეგისტრირეს.

„ეს არის უპრეცედენტო შემთხვევა, რადგან ყველა კანდიდატმა, რომელმაც ცენტრალურ საარჩევნო კომისიას მომართა, შემოწმება გაიარა“, - განაცხადა რუსეთის საარჩევნო კომისიის თავმჯდომარემ ელა პამფილოვამ.

მანამდე ცნობილი გახდა, რომ შემოწმება წარმატებით ჟურნალისტ ქსენია სობჩაკის და "რუსეთის კომუნისტების" პარტიის წევრის მაქსიმ სურაიკინის ხელმომწერებმაც გაიარეს.

კომისიაში ასევე განაცხადეს, რომ ბიზნესმენი ბორის ტიტოვი, გრიგორი იავლინსკი და სერგეი ბაბურინი უახლოეს მომავალში დარეგისტრირდებიან.

რუსეთში საპრეზიდენტო არჩევნები მიმდინარე წლის 18 მარტს გაიმართება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები