ინდოეთის დედაქალაქ დელიში 8 თვის ჩვილი საკუთარმა ბიძაშვილმა გააუპატიურა. BBC-ის  ინფორმაციით, 8 თვის გოგონა საავადმყოფოშია გადაყვანილი, მისი ჯანმრთელობის მდგომარეობა კრიტიკულია.

სამართალდამცველებმა მედიას განუცხადეს, რომ მომხდარ ფაქტთან დაკავშირებით, მათ 28 წლის ბრალდებული დააკავეს.

„ქალთა კომისიის“ თავმჯდომარემ სვატი მალივალმა დაზარალებული ჩვილი საავადმყოფოში მოინახულა და განაცხადა, რომ ის „საშინელ“ მდგომარეობაშია.

„გოგონა საავადმყოფოში ინტენსიური ზრუნვის ქვეშ იმყოფება, შინაგანი ორგანოები კი საშინლად დაზიანებული აქვს“,- განაცხადა მალივალმა. 

ადგილობრივი მედიის ინფორმაციით, ინციდენტი კვირას მოხდა, თუმცა მედიისთვის ცნობილი ორშაბათს გახდა. 

უფლებადამცველთა ნაწილი პრემიერმინისტრს მიმართავს და პედოფილიის დანაშაულის გამო, კანონის გამკაცრებას მოითხოვს. 

მსგავსი საზარელი შემთხვევა 2016 წელსაც მოხდა, როდესაც მეზობელმა დედის გვერდით მწოლიარე 11 თვის ბავშვი გაიტაცა და გააუპატიურა, 2015 წელს კი გაუპატიურების მსხვერპლი 3 თვის ჩვილი გახდა.

აღსანიშნავია, რომ ინდოეთში ბავშვების და ქალების გაუპატიურების სტატისტიკა ძალიან მაღალია. ქვეყანაში, ყოველ 26 წუთში, ერთ არასრულწლოვანს აუპატიურებენ და  2016 წლიდან დღემდე 19,765 ბავშვი გახდა სექსუალური ძალადობის მსხვერპლი

ავტორი: ,

სოციალური ქსელები

გენერალმა ზალუჟნიმ თავი ნატოს მხარდამჭერად მოიხსენია, თუმცა ალიანსში ცვლილებების საჭიროებაზე მიუთითა

ნავთობგადამამუშავებელ ქარხანაზე განხორციელებულმა დარტყმებმა რუსეთის ბიუჯეტს 1.2 ტრილიონი რუბლის ზარალი მოუტანა

გიგა ავალიანის საქმეზე ანასტასია ბერუაშვილსაც აკავებენ

გიგა ავალიანის საქმის ერთ-ერთი ფიგურანტი ნია იმნაძე დააკავეს