აჭარის ავტონომიური რესპუბლიკის ჯანმრთელობისა და სოციალური დაცვის მინისტრის პირველ მოადგილედ რუსუდან შავიშვილი დაინიშნა.

პროფესიით ექიმი, 2015 წლიდან დღემდე სს „მეზღვაურთა სამედიცინო ცენტრ 2010-ში“ სამედიცინო დირექტორად, ბოლო პერიოდში კი კლინიკურ მენეჯერად მუშაობდა.

მინისტრმა ახლადანიშნული მოადგილე სამინისტროს თანამშრომლებს წარუდგინა.

„ჩემი რეკომენდაციითა და აჭარის ა/რ მთავრობის თავმჯდომარის გადაწყვეტილებით, დღეიდან მინისტრის პირველი მოადგილის პოზიციას ქალბატონი რუსუდან შავიშვილი დაიკავებს. ის გამოირჩევა პროფესიონალიზმითა და მაღალი პასუხიმგებლობის გრძნობით. აქვს ძლიერი მენეჯერული თვისებები და კარგად იცნობს რეგიონის ჯანდაცვის სისტემას“, - აღნიშნა ზაალ მიქელაძემ.

რუსუდან შავიშვილი სამინისტროში ჯანმრთელობის დაცვის მიმართულებას უხელმძღვანელებს.

სამინისტროს ცნობით, მას დამთავრებული აქვს თბილისის სახელმწიფო სამედიცინო ინსტიტუტი. სხვადასხვა პერიოდში მუშაობდა: 2013-2015 წწ - „უნიმედი აჭარა - ბათუმის რეფერალური ამბულატორია“-ში, პროექტის მენეჯერად; „უნიმედი აჭარა - ბათუმის რეფერალური საავადმყოფო“-ში, პერსონალის ადმინისტრირების სპეციალისტად. 2008-2013 წწ - „სადაზღვევო კომპანია ალდაგი ბათუმის ჩემი ოჯახის კლინიკაში”, ოფის მენეჯერად. 1986-2008 წწ - „სპეც. საავადმყოფო - პოლიკლინიკურ გაერთიანებაში“ (დიაგნოსტიკური ცენტრი), სტაციონარის ექიმ-ორდინატორად. 1983-1986 წწ - „საექიმო ფიზკულტურის დისპანსერში“ - კონტროლის ექიმად. 1979-1983 წწ - „აჭარის რესპუბლიკური საავადმყოფო - პოლიკლინიკაში“, უბნის ექიმად. რუსუდან შავიშვილი 1985 წლიდან ეწევა პედაგოგიურ საქმიანობას. დღემდე არის ბათუმის შოთა რუსთაველის სახელმწიფო უნივერსიტეტისა და ბათუმის იოანე ღვთისმეტყველის სახ. სემიანრიის მოწვეული პედაგოგი. 1994-2003 წწ იყო საერთაშორისო საზოგადოება „საქართველოს ქალები მშვიდობისა და სიცოცხლისათვის“ თავმჯდომარის მოადგილე.

(NS)

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს