ე.წ. სამხრეთ ოსეთში, „ძარცემის“ პოლიგონზე 1000-ზე მეტი რუსი სამხედრო მოსამსახურის მონაწილეობით და უპილოტო საფრენი აპარატების გამოყენებით, სამხედრო წვრთნები იმართება, - ამის შესახებ "რია ნოვოსტი" იუწყება.

"სამხრეთ ოსეთის რესპუბლიკაში დისლოცირებული რუსული სამხედრო ბაზის „ძარცემის“ პოლიგონზე 1000-ზე მეტი სამხედრო მოსამსახურე საველე წვრთნებს უპილოტო საფრენი აპარატების გამოყენებით შეუდგა. მეთაურების ხელმძღვანელობით სამხედრო მოსამსახურეები პოლიგონზე სასროლი იარაღის და საბრძოლო ტექნიკის გამოყენების უნარ-ჩვევებს დახვეწენ“, - განაცხადა პრესსამსახურის ხელმძღვანელმა ვადიმ ასტაფიევმა.

როგორც ასტაფიევმა აღნიშნა, წვრთნებში სამხედროები „ზასტავას“, „გრანატის“, „ორლანის“ და „ლეერის“ ტიპის უპილოტო საფრენ აპარატებს აქტიურად გამოიყენებენ. მისივე თქმით, მათი გამოყენებით სამხედროები ისწავლიან ტექნიკასთან მუშაობას, ეკიპაჟის კონტროლს და ასე შემდეგ.

წვრთნებს ძირითადად მთიან და ტყიან ლოკაციბზე, დღისა და ღამის სხვადასხვა საათებში ჩაატარებენ.

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს