ზუგდიდის ცენტრალურ ბულვარში პოეტ ზვიად რატიანის მხარდამჭერი აქცია გაიმართა.

ადგილობრივმა პოეტებმა, სამოქალაქო სექტორის, არასამთავრობო ორგანიზაციებისა და საზოგადოების სხვა წარმომადგენლებმა რატიანის დაკავების დროს მის მიმართ პოლიციის მიერ ძალის გამოყენების ფაქტი გააპროტესტეს და დამნაშავე პოლიციელების დასჯა მოითხოვეს.

აქციის მონაწილეებმა ადგილზე ტრანსპარანტები მიიტანეს, წარწერებით: „არა ძალადობას“, „სოლიდარობა ზვიად რატიანს“

პოეტ ნიკა ლაშხიას განცხადებით, ისინი ზვიად რატიანის პარალელურად სოლიდარობას უცხადებენ სამართალდამცავების მიერ ჩაგრულ ყველა ადამიანს.

„დღეს იყო მშვიდობიანი აქცია, სადაც სოლიდარობა გამოვუცხადეთ პოეტ ზვიად რატიანდ და ყველა იმ ჩაგრულ ადამიანს, მოვითხოვეთ იმ დანარჩენი შვიდი პოლიციელის დარსჯა ვინც ხელკეტებს ურტყამდა ზვიად რატიანს, დავგმეთ ძალოადობა და ავღნიშნეთ, რომ ძალადობის ენაზე საუბრით ქვეყანას რეგრესისკენ წავიყვანთ“, – განაცხადა ნიკა ლაშხიამ.

სამართალდამცავებმა პოეტი ზვიად რატიანი 23 დეკემბერს ღამით, თბილისში წვრილმანი ხულიგნობისა და პოლიციისადმი დაუმორჩილებლობის ბრალდებით დააკავეს. რატიანი, რომელიც 24 დეკემბერს გათავისუფლდა, სამართალდამცავებს ცემაში ადანაშაულებს. პოლიციელების მიერ უფლებამოსილების შესაძლო გადამეტების ფაქტს პროკურატურა იძიებს.

დღეს პოეტი ჯანმრთელობის მდგომარეობის გაუარესების გამო, საავადმყოფოში გადაიყვანეს. მისმა ადვოკატმა, ანი ნასრაშვილმა ჟურნალისტებს აცნობა, რომ ზვიად რატიანს ტვინის შერყევა აქვს და სხეულზე დაზიანებები აღენიშნება. ადვოკატმა თბილისის საქალაქო სასამართლოს მიმართა, ზვიად რატიანის ჯანმრთელობის მდგომარეობის გაუარესების გამო, 25 დეკემბერს დანიშნული სხდომა გადადებულიყო. მოსამართლემ შუამდგომლობა დააკმაყოფილა და სხდომა 17 იანვარს დანიშნა.

ფოტო - რადიო "ათინათი"

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს