2017-12-18 14:29:01, 677 ნახვა

---

ზურაბ თენიეშვილმა წითელი ჯვრის წარმომადგენლებთან ერთად, დუმბაძეების ოჯახს სურსათი და საახალწლო საჩუქრები გადასცა

აჭარის ჯანდაცვის მინისტრის მოადგილე ზურაბ თენიეშვილი წითელი ჯვრის ბათუმის ორგანიზაციის წარმომადგენლებთან ერთად, ჩაქვში მცხოვრებ დუმბაძეების ოჯახს ეწვია.

აჭარის ჯანდაცვის სამინისტროს ცნობით, ოჯახში ორი შეზღუდული შესაძლებლობის პირი ცხოვრობს, მათ შორის ერთი მცირეწლოვანი.

დუმბაძეებმა აჭარის მთავრობასა და სამინისტროს ბავშვის საკვები პროდუქტით უზრუნველყოფის მოთხოვნით მიმართეს. სამთავრობო უწყებებმა ოჯახს წითელ ჯვართან უშუამდგომლეს და მათი დახმარებით, დუმბაძეებს ბავშვის საკვებ პროდუქტთან ერთად სურსათი და საახალწლო საჩუქრები გადაეცა.

საქველმოქმედო აქციაში წითელ ჯვართან ერთად კომპანია „ჰუმანა“ მონაწილეობდა. კომპანიამ ოჯახის პატარა წევრისთვის საკვები მესამედ გამოყო. აქციაში, ასევე, მონაწილეობდნენ კომპანია „ჰუმანას“ აჭარის წარმომადგენელი და საქართველოს წითელი ჯვრის საზოგადოების ვიცე-პრეზიდენტი ოთარ დავითაძე და წითელი ჯვრის მოხალისეები. დუმბაძეების ოჯახის უფროს წევრს სამინისტროს პროგრამის ფარგლებში მიღებული აქვს სავარძელ-ეტლი. საჭიროების შემთხვევაში მას ეტლი 2018 წლის პროგრამის ფარგლებშიც გადაეცემა.

 

(NS)

---

ავტორი: ,

---

დღის თემა

მთავარი თემა

ინტერვიუ - ექსკლუზივი