2017-12-14 11:20:56, 2281 ნახვა

---

უკრაინის გენპროკურორი: სააკაშვილს არა სახელმწიფო გადატრიალების ორგანიზებაში, არამედ ამის ხელშეწყობაში ვადანაშაულებთ

უკრაინის გენერალური პროკურატურა საქართველოს მესამე პრეზიდენტ მიხეილ სააკაშვილს არა სახელმწიფო გადატრიალების ორგანიზებაში, არამედ ამის ხელშეწყობაში ადანაშაულებს, - ამის შესახებ გენერალურმა პროკურორმა იური ლუცენკომ ტელეარკომპანია ZIK-ის ეთერში განაცხადა.

როგორც ლუცენკომ განმარტა, სახელმწიფო გადატრიალებაში სააკაშვილის  თანამოაზრე სევერიონ დანგაძეა ეჭვვმიტანილი. 

„ჩვენ მიხეილ სააკაშვილს ეჭვმიტანილად არ მივიჩნევთ. ჩვენ მის თანამოაზრეს სევერიონ დანგაძეს გადატრიალების მცდელობაში და ამ მცდელობის დაფინანსებაში ვადანაშაულებთ. თვითონ სააკაშვილის მიმართ ბრალდება მხოლოდ კურჩენკო-იანუკოვიჩის დანაშაულებრივი დაჯგუფების წევრების ხელშეწყობას ეხება“, - განაცხადა გენერალურმა პროკურორმა.

ამასთან, მისი თქმით, მიხეილ სააკაშვილი უკრაინის უშიშროების სამსახურის წევრებმა იმიტომ დააკავეს, რომ გამოძიებას სწორედ ისინი ატარებენ.

 

---

ავტორი: ,

---

დღის თემა

მთავარი თემა

ინტერვიუ - ექსკლუზივი