გახარია: პირველადი მონაცემებით, სპეცოპერაციისას ლიკვიდირებული პირები საქართველოში არალეგალურად შემოვიდნენ

2017-12-01 12:40:47, 2120 ნახვა

კომენტარი

შინაგან საქმეთა მინისტრის გიორგი გახარიას განცხადებით, გაბრიელ სალოსის ქუჩაზე ანტიტერორისტული ოპერაციისას ლიკვიდირებული პირები საქართველოში, პირველადი მონაცემებით, არალეგალური გზით შემოვიდნენ. რაც შეეხება გამოძიებას, გახარია დეტალებზე საუბრისგან კვლავ თავს იკავებს:

"ყველა დეტალი, ყველა ნიუანსი დღეის მდგომარეობით დგინდება. პირველადი მონაცემებით, შეგვიძლია ვთქვათ, რომ ეს იყო არალეგალური გზა და შესაბამისად, უახლეოს პერიოდში ეს ყველა დეტალი იქნება გამოკვეული და გექნებათ პასუხი",-განაცხადა გიორგი გახარიამ.

სპეცოპერაცია ბერი გაბრიელ სალოსის გამზირზე 22 ნოემბერს, 20:00 საათზე მეტხანს მიმდინარეობდა. სახელმწიფო უსაფრთხოების სამსახური სინფორმაციით, ჩატარებული ღონისძიების შედეგად, დაკავებულია დანაშაულებრივი ჯგუფის ერთი წევრი,ხოლო სამი ლიკვიდირებულია.

სპეცოპერაციის დროს დაიღუპა სუს-ის ერთი თანამშრომელი და დაიჭრა ორი.

ამასთანავე დაჭრილია შინაგან საქმეთა სამინისტროს განსაკუთრებულ დავალებათა დეპარტამენტის ორი თანამშრომელი.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები