ბათუმში სასტუმრო "ლეო გრანდში" ხანძარი დაახლოებით, 21:30 წუთზე გაჩნდა. ამ დროისთვის არსებული მონაცემებით, ხანძარს 11 ადამიანის სიცოცხლე ემსხვერპლა. აჭარის ჯანდაცვის მინისტრ ზაალ მიქელაძის ინფორმაციით,  21 ადამიანი დაშავდა. 

ხანძრის დროს დაშავებულების შორის არიან 5 თურქეთის და 1 ისრაელის მოქალაქე. სხვა დანარჩენი დაშავებულები საქართველოს მოქალაქეები არიან. მათ უმრავლესობას აღენიშნება ინტქსიკაციის ნიშნები. 

რაც შეეხება გარდაცვლილებს ამ დროისთვის მიმდინარეობს მათი იდენტიფიცირება. 11 ცხედარი გადასვენებულია ლევან სამხარაულის ექსპერტიზის ეროვნულ ბიუროში.

მაშველებმა და პოლიციელებმა სასტუმროს შენობიდან ასზე მეტი ადამიანის ევაკუაცია მოახდინეს. მათ შორის არიან როგორც სტუმრები, ასევე, სასტუმროს თანამშრომლები. სხვადასხვა სირთულის ინტოქსიკაციის გამო, სასტუმროში მყოფი ადამიანები გადაყვანილი არიან ბათუმის კლინიკებში. მომხდარ ფაქტთან დაკავშირებით, გამოძიება საქართველოს სსკ-ს 243-ე მუხლის მე-3 ნაწილით მიმდინარეობს. 

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს