გავრცელებული აზრი რუსეთის შესაძლო ჩარევის შესახებ ევროკავშირის ქვეყნებში გამართულ არჩევნებში, კიდევ უფრო გამყარდა მას შემდეგ, რაც ცნობილი გახდა 400 ყალბი Twitter ექაუნთის შესახებ, რომელიც სანქტ-პეტერბურგის ე.წ. ტროლების ქარხნიდან იმართებოდა, - ამის შესახებ The Guardian იუწყება.

მედია საშუალების ინფორმაციით, აღნიშნული ყალბი ექაუნთები ძირითადად Brexit-ის შესახებ ბმულებს აქვეყნებდნენ.

მედიის ცნობით, ედინბურგის უნივერსიტეტის მკვლევარებმა Twitter-ის 419 ყალბი ექაუნთი გამოაშკარევეს, რომლებიც ძირითადად ევროკავშირიდან ბრიტანეთის გამოყოფის სასარგებლო ბმულებს და ინფორმაციას აქვეყნებდნენ და აზიარებდნენ. ყალბი ექაუნთები ძირითადად ანტიევროპული ხასიათის ინფორმაციას აზიარებდნენ.

როგორც კულტურის, მედიისა და სპორტის კომიტეტის თავჯდომარემ, დემიენ ქოლინზმა აღნიშნა, რუსეთი სხვადასხვა საინფორმაციო არხით, აქტიურად ერევა ბრიტანეთის პოლიტიკურ ცხოვრებაში და საზოგადოებრივი აზრის რუსეთის სასარგებლოდ შეცვლას, ასევე პოლიტიკური პროცესების დესტაბილიზაციას ცდილობს. აღნიშნული კომიტეტი საზოგადოებრივი დეზინფორმაციისა და ყალბი ახალი ამბების საკითხზე მუშაობს.

"როგორც ჩანს, რუსეთმა შექმნა და ჩამოაყალიბა დეზინფორმაციის გავრცელების უზარმაზარი ქსელი, მათ შეუძლიათ დიდი გავლენა მოახდინონ საზოგადოებრივ აზრზე. უნდა შევისწავლოთ თუ რამდენად გავრცელებულია ეს მოვლენა და როგორ გავლენას ახდენს დემოკრატიულ პროცესებზე", - გაანცხადა კომიტეტის თავმჯდომარემ.

ცნობისთვის, რუსეთის მიერ სხვა ქვეყნის არჩევნებშა და პოლიტიკურ ცხოვრებაში ჩარევის შესახებ ამერიკაშიც საუბრობენ. ამერიკის კონგრესში Twitter-ის წარმომადგენელმა განაცხადა, რომ დაახლლოებით, 3 ათასამდე ყალბი ექაუნთი აქტიურად აზიარებდა ჰილარი კლინტონის საწინააღმდეგო ინფორმაციას. 

ავტორი: ,

სოციალური ქსელები

მელანია ტრამპმა რუსეთსა და უკრაინას შორის ცეცხლის შეწყვეტის ზონის გაფართოება გამოაცხადა

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს