დღეს ბათუმში, საპორტო ვიზიტით საქართველოში მყოფი, ნატო-ს მუდმივმოქმედი მეორე ნაღმსაწინააღმდეგო შენაერთის საფლაგმანო ხომალდი „REGELE FERDINAND" და ალიანსის სხვადასხვა წევრი ქვეყნის დროშის ქვეშ მცურავი 2 ხომალდი შემოვიდა.

დახვედრის ოფიციალურ ცერემონიაში აჭარის მთავრობის თავმჯდომარე ზურაბ პატარაძე, ქალაქ ბათუმის მერი გიორგი ერმაკოვი, სანაპირო დაცვის დეპარტამენტის დირექტორი - თემურ კვანტალიანი, ბულგარეთის რესპუბლიკის ელჩი საქართველოში - დესისლავა ივანოვა და სანაპირო დაცვის წარმომადგენლები ესწრებოდნენ.

აჭარის მთავრობის პრესსამსახურის ინფორმაციით, დახვედრის ცერემონიის ფარგლებში შესრულდა ნატოს და საქართველოს რესპუბლიკის ჰიმნები, ასევე, წარმოდგენილი იყო ქართული ფოლკლორის ნიმუშები. ნატო-ს მუდმივმოქმედი მეორე ნაღმსაწინააღმდეგო შენაერთის (SNMCMG2) საქართველოს უკვე მესამედ სტუმრობს. ისინი ბათუმის ნავსადგურში 6 ნოემბრამდე დარჩებიან და ქართული მხარის მიერ ორგანიზებულ სხვადასხვა ერთობლივ სწავლებასა და საჩვენებელ წვრთნებში მიიღებენ მონაწილეობას.

ვიზიტი ნატო-საქართველოს წარმატებული თანამშრომლობის ნათელი დადასტურებაა და მიზნად ისახავს საქართველოს, ალიანსის და პარტნიორი ქვეყნების საზღვაო ძალების ურთიერთმოქმედებისა და ურთიერთთავსებადობის ამაღლებას.

ნატო-ს მუდმივმოქმედი მეორე ნაღმსაწინააღმდეგო შენაერთი (SNMCMG2) ხმელთაშუა ზღვის აკვატორიაში ოპერაცია „ზღვის მცველის" მხარდაჭერას ახორციელებს და ხელს უწყობს ზღვაზე საერთაშორისო მიმოსვლის უსაფრთხოებას. ის, ასევე, წარმოადგენს ნატო-ს სწრაფი რეაგირების (NRF) საზღვაო კომპონენტს.

შინაგან საქმეთა სამინისტრო ოპერაციაში „აქტიური ძალისხმევა" ტაქტიკური მემორანდუმის საფუძველზე მონაწილეობს. 2014 წლიდან კი ნატო-ს საზღვაო ძალების სარდლობაში, მეკავშირე ოფიცრის სახით, მივლენილია შსს-ს სასაზღვრო პოლიციის სანაპირო დაცვის დეპარტამენტის წარმომადგენელი, რომელიც აღნიშნული ოპერაციის წარმატებით განხორციელებას უწყობს ხელს.

(NS)

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს