ეგზიტპოლის საბოლოო შედეგებით, ქუთაისში „ოცნების“ კანდიდატმა 52%, „ნაცმოძრაობის“ კანდიდატმა კი, 26% მიიღო

2017-10-21 22:27:52, 1961 ნახვა

პოლიტიკა

„ედისონ რისერჩის" ეგზიტპოლების საბოლოო მონაცემები ქუთაისის მერობის კანდიდატებთან დაკავშირებით ცნობილია.

პირველ ადგილზე "ქართული ოცნების" ქუთაისის მერობის კანდიდატი გიორგი ჭიღვარიაა 52%-ით, "ნაციონალური მოძრაობის“ კანდიდატმა გრიგოლ ვაშაძემ კი, 26% მიიღო.

ეგზიტპოლების მიხედვით, მესამე ადგილზეა „ევროპული საქართველოს“ ქუთაისის მერობის კანდიდატი დავით გოგისვანიძე 8%-ით. "დემოკრატიული მოძრაობის" კანდიდატმა, გიორგი წულაიამ - 7% დააგროვა, "პატრიოტთა ალიანსის" კანდიდატმა გრიგოლ ბახტაძემ 3%, "ლეიბორისტული პარტიის" კანდიდატმა სამსონ გუგავამ 2%.

რაც შეეხება პარტიებს, ეგზიტპოლის ბოლო მონაცემებით ქუთაისში "ქართული ოცნება ლიდერობს. პარტიას ამომრჩეველთა 53%-მა დაუჭირა მხარი. მეორე ადგილზე "ნაციონალური მოძრაობაა - 22%-ით, მესამე ადგილს "ევროპული საქართველო იკავებს. პარტიამ 10% დააგროვა, ხოლო "დემოკრატიულ მოძრაობას" ამომრჩეველთა 3%-მა დაუჭირა მხარი.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები