დეკანოზ მამა გიორგი მამალაძის სისხლის სამართლის საქმის ადვოკატები  დღეს, 14:00 საათზე, სასამართლოში დაკითხვაზე არიან დაბარებულები. ამის შესახებ მამალაძის სახაზინო ადვოკატი პაატა მეხრიშვილი ავრცელებს ინფორმაციას.

„მოკლედ ესაო, ისაო, რა სსსკ–ის 49, 50 მუხლიო ან რა ადვოკატთა შესახებ კანონიო და ადვოკატთა პროფესიული ეთიკის კოდექსიო, რა ატამი რი გარგარიო ) ხვალ 2 საათზე მოხვალ სასამართლოში და ჩვენებას მისცემ მოსამართლესთანოოო, მიშაცო და სულხანიცაო....“,-წერს პაატა მეხრიშვილი.

შეგახსენებთ, პროკურატურამ,   მსჯავრდებულ გიორგი მამალაძის სისხლის სამართლის საქმესთან დაკავშირებით, გამოძიების მონაცემების გახმაურების ფაქტებზე, საქართველოს სისხლის სამართლის კოდექსის 374-ე მუხლით გათვალისწინებული დანაშაულის ნიშნებით, გამოძიება დაიწყო.

„ბოლო პერიოდში სხვადასხვა მედია-საშუალებებში არაერთხელ გავრცელდა მსჯავრდებულ გიორგი მამალაძის სისხლის სამართლის საქმის მასალები. აღნიშნულთან დაკავშირებით, გამოძიების მონაცემების გახმაურების ფაქტებზე, საქართველოს სისხლის სამართლის კოდექსის 374-ე მუხლით გათვალისწინებული დანაშაულის ნიშნებით დაწყებულია გამოძიება. საქმეზე გამოძიებას აწარმოებს საქართველოს პროკურატურა“,-აღნიშნავენ მთავარ პროკურატურაში.

ინფორმაციისთვის, გუშინ ადვოკატებმა ადვოკატთა ასოციაციის ხელმძღვანელთან ერთად პრესკონფერენცია გამართეს და პროკურატურას მოუწოდეს, მათი მაგისტრი მოსამართლის წინაშე დაკითხვის გადაწყვეტილება არ მიეღო.

ავტორი: ,

სოციალური ქსელები

ერთიანი ნაციონალური მოძრაობის ყრილობა 5 აგვისტოს გაიმართება

საქართველოს ბანკის მხარდაჭერით ქუთაისის ტექნოლოგიურ ჰაბში TUMO Kutaisi ცენტრი გაიხსნა

ფაშინიანი: სომხეთმა რუსეთს, შესაძლოა, რკინიგზის იჯარის სახით 2 მილიარდი მოსთხოვოს

ტუსკი რუსულ რაკეტაზე: არ არსებობს საფუძველი ვიფიქროთ, რომ პოლონეთი იყო სამიზნე