სომხეთმა შესაძლოა რუსეთს რკინიგზის ინფრასტრუქტურის იჯარისთვის წელიწადში 2 მილიარდ დოლარამდე მოსთხოვოს - ამის შესახებ სომხეთის პრემიერმინისტრმა, ნიკოლ ფაშინიანმა ჟურნალისტებთან საუბრისას განაცხადა.

მისი თქმით, სომხეთი სარკინიგზო ინფრასტრუქტურას საკუთარ საკუთრებად მიიჩნევს და არ გამორიცხავს სამართლებრივ დავას ან საარბიტრაჟო პროცესს სამხრეთ კავკასიის რკინიგზის კონცესიასთან დაკავშირებით.

“სომხეთს უნდა შეეძლოს ამ რკინიგზის გამოყენება ისე, როგორც საჭიროდ ჩათვლის. მინდა ეს საკითხი ძალიან მკაფიოდ განვმარტო: ამის ალტერნატივა არ არსებობს” - განაცხადა ფაშინიანმა.

მან ხაზგასმით აღნიშნა, რომ ამ საკითხის მოგვარებას “მეგობრულად” აპირებს.

“ახლა ბევრი საუბრობს, ძირითადად ოპოზიცია, გარკვეულ საკითხებზე ფასების შესაძლო ზრდის შესახებ. მაგრამ შეიძლება ისე მოხდეს, რომ იმაზე, რაც სომხეთისთვის 30 წლის განმავლობაში უფასო იყო, სომხეთმა დაიწყოს 2 მილიარდი დოლარის მოთხოვნა. მე რკინიგზაზე არ მივანიშნებ; პირდაპირ ვამბობ, რომ ეს სომხეთის რესპუბლიკის საკუთრებაა და სხვა ვარიანტი არ არსებობს” - დასძინა ფაშინიანმა.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!