ამერიკის შეერთებული შტატების პრეზიდენტმა დონალდ ტრამპმა ამერიკული მედია ისევ გააკრიტიკა.

როგორც ტრამპმა Fox News-სთან ინტერვიუში განაცხადა, ამერიკელი ჟურნალისტები "ძალიან არაპატიოსნები" არიან.

მისივე თქმით, ჟურნალისტებს არ უნდა ჰქონდეთ ყველაფრის გამოქვეყნების უფლება.

„ამაზრზენია, რომ მედიას აქვს საშუალება დაწეროს ყველაფერი, რაც კი სურს. ამ საკითხით აუცილებლად უნდა დაინტერესდნენ. მედია ძალიან ცუდია, ეს ძალიან უპატიოსნო ხალხია. მედიის წარმომადგენლებიდან უმეტესობა ნეგატივზეა ორიენტირებული. მე მათ ყალბს ვუწოდებ. ძალიან ბევრია ყალბი ახალი ამბავი. როდესაც თქვენ უყურებთ ახალ ამბებს, ვერ ხვდებით სად არის სიმართლე და სად არა. თუმცა, როდესაც შენზე იწერება რაიმე ტყუილი, მაშინვე ხვდები, რომ ცრუ ინფორმაციასთან გაქვს საქმე“,- განაცხადა ტრამპმა.

თუმცა, მანვე დასძინა, რომ იცნობს ბევრ ჟურნალისტს, რომელიც პატიოსანი ადამიანია.

ცნობისთვის, პრეზიდენტის გაღიზიანება გამოიწვია NBC-ის რეპორტაჟმა, რომლის მიხედვითაც, ერთ-ერთ შეხვედრაზე ტრამპმა აშშ-ის ბირთვული არსენალის გაათმაგება გადაწყვიტა.

თავად პრეზიდენტმა, ასევე პენტაგონის ხელმძღვანელმა ემ ინფორმაციას სიცრუე და „ყალბი ახალი ამბავი" უწოდეს.

ავტორი: ,

სოციალური ქსელები

კახა კალაძე - რასაც ჩვენთან აკეთებდნენ, ახალისებდნენ ძალადობრივ ორგანიზაციებს, დღეს იგივე მიიღეს საკუთარ ქვეყნებში

კოპალეიშვილი „ოცნების“ დეპუტატებს - ჩემი სტუდენტები იყვნენ, რა საფრთხეს წარმოვადგენ მე?

ივანიშვილის რეჟიმი ხალხს წყლის და გაზის გადასახდელებს უმატებს

ლაშა ფარულავა - ოცნება ხალხს ცხოვრებას კიდევ ერთხელ უძვირებს - ეს სოციალური ტერორის გზაა