პუტინს გადაწყვეტილი არ აქვს, მიიღებს თუ არა მონაწილეობას 2018 წლის საპრეზიდენტო არჩევნებში

2017-10-04 19:06:37, 2315 ნახვა

მსოფლიო

რუსეთის პრეზიდენტს ვლადიმერ პუტინს ჯერ არ აქვს გადაწყვეტილი მიიღებს თუ არა 2018 წლის საპრეზიდენტო არჩევნებში მონაწილეობას, - ამის შესახებ Life.ru იუწყება.

როგორც პუტინმა აღნიშნა, მისთვის უცნობია, კენჭისყრის შემთხვევაში ვინ იქნებიან მისი კონკურენტები.

"ჯერჯერობით არ გადამიწყვეტია, არა მარტო ის, ვის წინააღმდეგ მომიწევს კენჭისყრა, არამედ არ გადამიწყვეტია მივიღებ თუ არა საერთოდ მონაწილეობას. წესით ეს ნოემბრის ბოლოს ან დეკემბრის დასაწყისში უკვე უნდა გადავწყვიტო. ვფიქრობ, რომ ამ დროისთვის სხვა კანდიდატებს საჯაროდ ექნებათ დაფიქსირებული იღებენ თუ არა საპრეზიდენტო არჩევნებში მონაწილეობას", - განაცხადა ვლადიმერ პუტინმა.

მანამდე გაზეთმა კომერსანტმა გაავრცელა ინფორმაცია, რომ ვლადიმერ პუტინი არჩევნებში მონაწილეობას მიიღებს.

ცნობისთვის, პუტინმა პრეზიდენტის პოსტი პირველად 2000 წლის 26 მარტს დაიკავა, მეორედ 2004 წელს აირჩიეს, მესამედ კი 2012 წელს.

შეგახსენებთ, რომ რუსეთში საპრეზიდენტო არჩევნები 2018 წლის 18 მარტსაა დაგეგმილი.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები