კატალონიის ლიდერის კარლეს პუჩდემონის განცხადებით, კატალონიელებმა სუვერენიტეტის უფლება მოიპოვეს, - ამის შესახებ მან სპეციალური ტელემიმართვის დროს განაცხადა. ინფორმაციას BBC ავრცელებს.

როგორც პუჩდემონმა აღნიშნა, რეფერენდუმის შედეგები უახლოეს დღეებში კატალონიის პარლამენტს გადაეგზავნება.

"ეს იყო იმედის დღე. ჩვენმა მოქალაქეებმა მოიპოვეს უფლება, კატალონია დამოუკიდებელი რესპუბლიკა გახდეს. მათ მოიპოვეს სუვერენიტეტის უფლება. უახლოესს რამდენიმე დღეში, რეფერენდუმის შედეგები კატალონიის პარლამენტს გადაეცემა, რომელიც მიიღებს გადაწყვეტილებას რეფერენდუმის კანონის შესაბამისად", - განაცხადა კარლეს პუჩდემონმა.

მისივე თქმით, ოფიციალურ მადრიდთან დიალოგისთვის მზადაა.

"ჩვენ ღია ვართ დიალოგისთვის, რომელიც სასარგებლო იქნება, თუ წარიმართება კატალონიელი ხალხის პატივისცემით. ჩვენ ღია ვართ წინადადებებისთვის შუამავლობაზე, რომელიც ამ გზაზე დაგვეხმარება", - განაცხადა კატალონიის ლიდერმა.

შეგახსენებთ, რომ 1 ოქტომბერს კატალონიაში დამოუკიდებლობისადმი მიძღვნილი რეფერენდუმი ჩატარდა.  მანამდე კი, ესპანეთის საკონსტიტუციო სასამართლომ  შეაჩერა კატალონიის პარლამენტის მიერ მიღებული დადგენილება,  დამოუკიდებლობის შესახებ რეფერენდუმის ჩატარების თაობაზე. რეფერენდუმის ჩატარების დროს კატალონიის მკვიდრებსა და სამართალდამცველებს შორის შეტაკებები მოხდა, რის შედეგადაც 761 ადამიანი დაშავდა. პოლიციამ ბარსელონაში გამართული აქციების დასაშლელად, რეზინის ტყვიებიც გამოიყენა. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა საიდანაც პოლიციამ 400-მდე საარჩევნო უბანი დახურა.

ავტორი: ,

სოციალური ქსელები

კახა კალაძე - რასაც ჩვენთან აკეთებდნენ, ახალისებდნენ ძალადობრივ ორგანიზაციებს, დღეს იგივე მიიღეს საკუთარ ქვეყნებში

კოპალეიშვილი „ოცნების“ დეპუტატებს - ჩემი სტუდენტები იყვნენ, რა საფრთხეს წარმოვადგენ მე?

ივანიშვილის რეჟიმი ხალხს წყლის და გაზის გადასახდელებს უმატებს

ლაშა ფარულავა - ოცნება ხალხს ცხოვრებას კიდევ ერთხელ უძვირებს - ეს სოციალური ტერორის გზაა