ბათუმში, ტბელ აბუსერიძის ქუჩაზე, „ვისოლ ჯგუფის" შვილობილმა კომპანიამ „ემ პე დეველოპმენტი" სავაჭრო ცენტრი - ,,ბლექ სი მოლი" გახსნა.

სავაჭრო ცენტრის ოფიციალური გახსნის ღონისძიებას აჭარის მთავრობის თავმჯდომარე ზურაბ პატარაძე ქალაქ ბათუმის მერთან, გიორგი ერმაკოვთან ერთად დაესწრო.

ზურაბ პატარაძემ სავაჭრო ცენტრი დაათვალიერა „ვისოლ ჯგუფის" ხელმძღვანელთან სოსო ფხაკაძესთან ერთად. მისი თქმით, სავაჭრო ცენტრი ,,ბლექ სი მოლი" ხელს შეუწყობს ტურისტულ ქალაქში ახალი სერვისების შექმნასა და განვითარებას, ასევე ადგილობრივი კადრების დასაქმებას.

10,015 კვადრატული მეტრის ფართობზე განთავსებული სავაჭრო ცენტრი საკუთარ სივრცეში 22 უცხოურ და ადგილობრივ ბრენდს აერთიანებს.

სავაჭრო ცენტრში უკვე ფუნქციონირებს ფრანგული ჰიპერმარკეტების ქსელი „კარფური" და ცნობილი ამერიკული რესტორნების ქსელი „ვენდი" და „დანკინ დონატსი". დღეიდან ცენტრს ტექნიკისა და ტექსტილის ახალი მაღაზიები შეემატა. ჰიპერმარკეტი საოჯახო ნივთების კომფორტულ გარემოში შეძენისა და გართობა-დასვენებისთვის საუკეთესო სივრცედ იქცა.

(NS)

ავტორი: ,

სოციალური ქსელები

თიბისი კაპიტალმა უზბეკეთის საინვესტიციო გარემოს შესახებ მაკროეკონომიკური განახლება გამოაქვეყნა

საკულტო მოდელით შთაგონებული: ახალი Cayenne Coupé Electric

Faridaily: რუსეთის ბუნებრივი რესურსების მინისტრის მოადგილე საქართველოს გავლით აშშ-ში გაიქცა

ირაკლი კობახიძემ მამუკა მდინარაძეს, როგორც სახელმწიფო მინისტრს, უფლებამოსილებები და მისი ფარგლები განუსაზღვრა