16 სექტემბერს ბერლინში, ერთ-ერთ ღამის კლუბთან მომხდარ მკვლელობაში ეჭვმიტანილი შესაძლოა ქართველი იყოს, - ამის შესახებ "რია ნოვოსტი" ბერლინის გენერალური პროკურატურის  წარმომადგენელზე დაყრდნობით იუწყება.

პროკურატურის ინფორმაციით, გარდაცვლილი მამაკაცი რუსეთის მოქალაქეა.

მედია საშუალების ცნობით, ინციდენტი კლუბ Cozy Club-ში მოხდა. კლუბის ორ სტუმარს შორის შელაპარაკება მოხდა, რის შემდეგაც მათ კლუბის შენობა დაატოვებინეს. დაპირისპირება ქუჩაში გაგრძელდა. მოგვიანებით მათ მესამე პირი მიუახლოვდა. ის შეიარაღებული იყო და სროლა დაიწყო. ერთი მამაკაცი დაიღუპა, მეორე კი, დაშავდა. ასევე დაშავდა თავდამსხმელიც, რის შემდეგ ის საავადმყოფოში გადაიყვანეს.

როგორც მედია წერს, სასამართლომ მისი დაპატიმრების ორდერი გასცა. ის მკვლელობაშია ეჭვმიტანილი. ამასთან, ჯერჯერობით უცნობია თუ რომელი ქვეყნის მოქალაქეა მამაკაცი.

"ჩემი ინფორმაციით, ის საქართველოშია დაბადებული, თუმცა ბოლომდე დარწმუნებული არ ვარ", - განაცხადა პროკურატურის წარმომადგენელმა.

შეგახსენებთ, 16 სექტემბერს ბერლინში სროლის შედეგად ერთი ადამიანი დაიღუპა.

ავტორი: ,

სოციალური ქსელები

გამოკითხვა: ტრამპის მოწონების რეიტინგი რეკორდულად დაბალ ნიშნულამდე დაეცა

საკრუიზო გემზე MV Hondius ჰანტავირუსის აფეთქების შედეგად სულ მცირე სამი ადამიანი დაიღუპა

ტრამპი ჰორმუზის სრუტეში ჩარჩენილი გემების და ტანკერების გათავისუფლების ოპერაციას იწყებს

OPEC+-ის შვიდმა ქვეყანამ ნავთობის მარაგების გაზრდის შესახებ განაცხადა