გვიან ღამით საქართველოს მესამე პრეზიდენტმა მიხეილ სააკაშვილმა ლვოვის სასტუმრო დატოვა და უკან არ დაბრუნებულა, - ამის შესახებ Unian იუწყება.

როგორც სააკაშვილის ადვოკატი აცხადებს, მისთვის უცნობია თუ სად იმყოფება ოდესის ყოფილი გუბერნატორი, თუმცა მიიჩნევს, რომ სააკაშვილი შესაძლოა ჩერნოვეცში იმყოფებოდეს.

სამართალდამცველების თქმით, მიხეილ სააკაშვილს ლვოვის ოლქის ტერიტორია არ დაუტოვებია.

ყოფილი პრეზიდენტის დაცვის თანამშრომლების ინფორმაციით, სააკაშვილი ღამის გათენებას სასტუმროში აპირებდა, თუმცა გვიან ღამით მან სასტუმრო საქმის გამო დატოვა. სასტუმროს პერსონალი აცხადებს, რომ დელეგაცია გვიან ღამით დაბრუნდა, მაგრამ სააკაშვილი მათთან ერთად არ ყოფილა.

ცნობისთვის, ოდესის ყოფილი გუბერნატორი უკრაინის ტერიტორიაზე 10 სექტემბერს, მხარდამჭერების დახმარებით გადავიდა. მასთან ერთად პოლიტიკოსები, დეპუტატებია და უკრაინის ოპოზიციის წარმომადგენლებიც იყვნენ. უკრაინა-პოლონეთის საზღვარზე სააკაშვილის მხარდამჭერებმა კორდონი გაარღვიეს და სააკაშვილი საზღვარზე გადმოიყვანეს. აღნიშნულ ფაქტთან დაკავშირებით უკრაინაში გამოძიება 2 მუხლით მიმდინარეობს და სასამართლო 18 სექტემბერს არის ჩანიშნული. გარდა ამისა, სააკაშვილის თქმით, მან საზღვარი ლეგარულად გადმოკვეთა და სამართლებრივ ბრძოლას სასამართლოში აპირებს.

შეგახსენებთ, რომ უკრაინის პრეზიდენტმა პეტრო პოროშენკომ მიხეილ სააკაშვილს მოქალაქეობა 26 ივლისს ჩამოართვა. 

ავტორი: ,

სოციალური ქსელები

ზელენსკიმ სამშვიდობო შეთანხმების დადებისას პირველად შესთავაზა რუსეთს უსაფრთხოების გარანტიები

ევროკომისიამ რუსული გაზის ევროკავშირში დაბრუნება უკრაინაში მშვიდობის დამყარების შემდეგაც კი გამორიცხა

ესპანეთში მატარებლების შეჯახების შედეგად დაღუპულთა რიცხვი 64-მდე გაიზარდა

ქართული დელეგაცია მოსკოვში რუსეთის პატრიარქ კირილის იუბილეზე ჩავა