მექსიკის ხელისუფლებამ, ჩრდილოეთ კორეის ელჩი, ფხენიანის მიერ ბირთვული გამოცდების გამო, პერსონა ნონ-გრატად გამოაცხადა, - ამის შესახებ Reuters-ი იუწყება.

მედია საშუალების ინფორმაციით, ელჩ კიმ ხენ გილს, მექსიკის დასატოვებლად 72 საათი აქვს. მსგავსი სახით ქვეყანამ დააფიქსირა, რომ მისთვის ჩრდილოეთ კორეის მიერ განხორციელებული ბირთვული გამოცდები სრულიად მიუღებელია. 

როგორც სააგენტო Reuters-ი წერს, მექსიკა, ზოგადად, საერთაშორისო ურთიერთობებში ნეიტრალურ პოზიციას იკავებს, თუმცა ბოლო პერიოდში ჩრდილო კორეის მიმართ მკაცრი კრიტიკით გამოირჩევა.

ამასთან, მექსიკის საგარეო საქმეთა სამინისტროს მაღალჩინოსნები, ფხენიანთან დიპლომატიური ურთიერთობების გაწყვეტას არ აპირებენ.

ცნობისთვის, ჩრდილოეთ კორეამ, მორიგი ბირთვული გამოცდა 3 სექტემბერს განახორციელა. 

მედია საშუალების ინფორმაციით, გაეროს უშიშროების საბჭომ ჩრდილოეთ კორეის მიერ ბირთვული ბომბის გამოცდის გამო საგანგებო სხდომა გამართა. დაგეგმილია კიდევ ერთი სპეციალური რეზოლუციის პროექტის მიღებაც.

ავტორი: ,

სოციალური ქსელები

ესპანეთის ყოფილი შრომის მინისტრი ავარიისას ერთ-ერთ მატარებელში იმყოფებოდა, სავარაუდოდ, გარდაიცვალა

ზელენსკიმ სამშვიდობო შეთანხმების დადებისას პირველად შესთავაზა რუსეთს უსაფრთხოების გარანტიები

ევროკომისიამ რუსული გაზის ევროკავშირში დაბრუნება უკრაინაში მშვიდობის დამყარების შემდეგაც კი გამორიცხა

ესპანეთში მატარებლების შეჯახების შედეგად დაღუპულთა რიცხვი 64-მდე გაიზარდა