ქუმსიშვილი: ლარის კურსის ცვლილება ძირითად შემთხვევაში საქართველოზე არაა დამოკიდებული

2017-09-07 06:41:42, 2548 ნახვა

ეკონომიკა

„ლარიზაციის პროგრამის ფარგლებში ჩვენ შევქმენით ყველა ინსტრუმენტი იმისთვის, რომ მოსახლეობის დიდ ნაწილს სესხები ლარში გადაეყვანა და შესაბამისად, მათზე კურსის ცვლილებას ზეგავლენა არ მოეხდინა“, - ამის შესახებ პირველმა ვიცე-პრემიერმა, ფინანსთა მინისტრმა, დიმიტრი ქუმსიშვილმა განაცხადა.

მისი თქმით, მოსახლეობისთვის მნიშვნელოვანია არ გაიზარდოს ფასები პროდუქციაზე და სესხების მომსახურებაზე.

„ჩვენ ბევრჯერ ვისაუბრეთ იმაზე, რომ კურსის ცვლილება ძირითად შემთხვევაში არაა დამოკიდებული საქართველოზე, იმიტომ, რომ ჩვენ ვართ ღია და გახსნილი ეკონომიკა. შესაბამისად, ჩვენი ვალუტის კურსი არის მცურავი და ძალიან მნიშვნელოვანია. რაც შეეხება ფასებს, ჩვენ ივლისის შემდეგ ვხედავთ, რომ ინფლაციამ დაიწყო შემცირება და დარწმუნებულები ვართ, რომ 2018 წელს ჩვენ 3%-იან მიზნობრივ მაჩვენებელს დავუბრუნდებით“, - აღნიშნა დიმიტრი ქუმსიშვილმა.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები