დიმიტრი ქუმსიშვილი EBRD-ის პრეზიდენტ სერ სუმა ჩაკრაბარტის შეხვდა

2017-09-05 07:52:42, 2228 ნახვა

ეკონომიკა

საქართველოში ევროპის რეკონსტრუქციისა და განვითარების ბანკის (EBRD) საქმიანობაზე ისაუბრეს საქართველოს პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა და ბანკის პრეზიდენტმა სუმა ჩაკრაბარტიმ შეხვედრაზე, რომელიც EBRD-ის პრეზიდენტის საქართველოში ვიზიტის ფარგლებში გაიმართა.

ფინანსთა სამინისტროს ინფორმაციით,

შეხვედრაზე მხარეებმა განიხილეს საქართველოში ევროპის რეკონსტრუქციისა და განვითარების ბანკის საქმიანობა, მიმდინარე და სამომავლო პროექტები და სამომავლო თანამშრომლობის ძირითადი მიმართულებები.

პირველმა ვიცე-პრემიერმა დიმიტრი ქუმსიშვილმა დადებითად შეაფასა ის გარემოება, რომ საქართველოსთან მიმართებაში ბანკის სტრატეგია თანხვედრაშია საქართველოს მთავრობის რეფორმების გეგმასთან. მისი განცხადებით, ძალიან მნიშვნელოვანია, რომ საქართველოს რეფორმებს EBRD-ის სახით ასეთი სერიოზული მხარდამჭერი ჰყავს და იმედი გამოთქვა, რომ თანამშრომლობა საქართველოსა და EBRD-ს შორის სამომავლოდ კიდევ უფრო გაღრმავდება.

ამასთან, შეხვედრაზე განიხილეს სამომავლო თანამშრომლობის საკითხები. მათ შორის, ისაუბრეს კაპიტალის ბაზრისა და მართლმსაჯულების სისტემის რეფორმირების ცალკეული მიმართულებების შესახებ.

შეხვედრაში ასევე მონაწილეობდნენ ენერგეტიკის მინისტრი ილია ელოშვილი, ევროპის რეკონსტრუქციისა და განვითარების ბანკში (EBRD) აღმოსავლეთ ევროპისა და კავკასიის მმართველი დირექტორი ფრანსის მალიჟი, EBRD-ის რეგიონალური დირექტორი ბრუნო ბალვანერა და ფინანსთა მინისტრის მოადგილე ნიკოლოზ გაგუა.

აღსანიშნავია, რომ EBRD საქართველოში საინვესტიციო პროექტების ერთ-ერთი უმსხვილესი დამფინანსებელია, რომლის კონტრიბუცია საქართველოს ეკონომიკაში ყოველწლიურად იზრდება. ამ ეტაპზე EBRD-ის დაფინანსება საქართველოში შეადგენს დაახლოებით 3 მილიარდ ევროს, საიდანაც დაახლოებით 91 პროცენტი შეადგენს კერძო სექტორში დაფინანსებას მხოლოდ 2016 წელს ბანკმა საქართველოში 250 მლნ ევროს ინვესტიცია განახორციელა.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები