თბილისის მერი დავით ნარმანია და კეთილმოწყობის საქალაქო სამსახურის უფროსი გივი კუბლაშვილი ისნის რაიონში,  ბოჭორმის ქუჩის კაპიტალური შეკეთების სამუშაოებს გაეცნენ.

თბილისის მერიის კეთილმოწყობის საქალაქო სამსახური ბოჭორმის ქუჩაზე კაპიტალური რეაბილიტაციის სამუშაოებს ახორციელებს. სამუშაოების ფარგლებში, 17000მ2 ფართობზე, ახალი საგზაო სამოსი დაიგება, მოეწყობა ტროტუარები და ბორდიურები.

როგორც დედაქალაქის მერმა  განაცხადა, აღნიშნულ ქუჩაზე გზის საფარი დიდი ხნის განმავლობაში დაზიანებული იყო, სამუშაოების დასრულების შემდეგ კი, მოსახლეობისთვის გადაადგილება უსაფრთხო და კომფორტული გახდება.

,,ძალიან მნიშვნელოვანი სამუშაოები მიმდინარეობს ბოჭორმის ქუჩაზე. გამოიცვალა მიწისქვეშა კომუნიკაციები, მოწესრიგდება გზის საფარი და ტროტუარები. ამჟამად მიმდინარეობს ასფალტის ზედა ფენის დაგება. სამუშაოები დაახლოებით, 10 დღეში დასრულდება“, - განაცხადა დავით ნარმანიამ.

სამუშაოებს თბილისის მერიის კონტრაქტორი კომპანია შპს „ცეკური“ აწარმოებს. სამუშაოები 10 ივნისს დაიწყო და მიმდინარე წლის 31 აგვისტოს დასრულდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა