პარიზის გარეუბანში სამხედროებზე თავდასხმაში ეჭვმიტანილის ვინაობა ცნობილია

2017-08-10 19:51:51, 2809 ნახვა

მსოფლიო

პარიზის გარეუბანში სამხედროებზე თავდასხმაში ეჭვმიტანილი 36 წლის ალჟირელია, - ამის შესახებ Reuters იუწყება.

მედია საშუალების ინფორმაციით, თავდამსხმელი სპეცსამსახურებისთვის ცნობილი პირი არ იყო და საფრანგეთში ლეგალურად იმყოფებოდა.

როგორც მედია წერს, მამაკაცი ამჟამად საავადმყოფოშია მოთავსებული.

სამართალდამცველების თქმით, მათ ცეცხლის გახსნა მოუწიათ, როდესაც მამაკაცმა მიმალვა სცადა, თუმცა მის სიცოცხლეს საფრთხე არ ემუქრება.

ფრაგული მედიის ცნობით, დაკავების დროს თავდამსხმელი შეიარაღებული იყო.
ამასთან, BFM TV-ი მამაკაცის სახელსაც ასაჯაროებს. ის ჰამო ბენლატრეშია.

შეგახსენებთ, რომ გუშინ პარიზის ერთ-ერთ გარეუბანში მამაკაცი ქვეითად მოსიარულე სამხედროებს დაეჯახა, რის შედეგადაც 6 სამხედრო დაშავდა. გამოძიების ცნობით, თავდასხმა დაგეგმილი იყო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან