საქართველოს ყოფილი პრეზიდენტი მიხეილ სააკაშვილი პოლონეთიდან ლიტვაში ჩავიდა.

ამის შესახებ იგი Facebook-ის საკუთარ გვერდზე წერს.

„ყოველთვის სასიამოვნოა ძმურ ლიტვაში ყოფნა. განსაკუთრებით ლიტვური დამოუკიდებლობის დამაარსებელ ჩემ მეგობრებთან: ვიტაუტას ლანდსბერგისთან, მინისტრებთან, მთავრობის წევრებთან და პრეზიდენტობის კანდიდატებთან. ლიტველებს უკრაინის და საქართველოს მხარდაჭერისთვის დიდი მადლობა გადავუხადე. ასევე მადლიერი ვარ მათი ჩემს მოქალაქეობასთან დაკავშირებული პოზიციის გამო“, - წერს სააკაშვილი Facebook-ის საკუთარ გვერდზე.

შეგახსენებთ, მიხეილ სააკაშვილს უკრაინის პრეზიდენტმა პეტრო პოროშენკომ მოქალაქეობა 26 ივლისს ჩამოართვა. იმ დროისთვის სააკაშვილი აშშ-ში იმყოფებოდა. მიუხედავად იმისა, რომ იგი ოფიციალურად არცერთი ქვეყნის მოქალაქე აღარ არის, რამდენიმე დღის წინ, აშშ-დან პოლონეთში ჩავიდა და აღნიშნა, რომ ქვეყანაში შესვლისას არავითარი პრობლემა არ შექმნია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო