2017-08-03 17:27:39, 3946 ნახვა
მსოფლიო
ტრამპი: ჩვენი ურთიერთობა რუსეთთან სახიფათო დონეზეა - ამისთვის მადლობა კონგრესს უნდა გადაუხადოთ
ამერიკის შეერთებული შტატების პრეზიდენტი დონალდ ტრამპი კონგრესს აკრიტიკებს.
როგორც ტრამპი „ტვიტერის“ საკუთარ გვერდზე წერს, კონგრესის გადაწყვეტილებების შედეგად, აშშ-სა და რუსეთის ურთიერთობა „სახიფათო დონეზეა“.
„ჩვენი ურთიერთობა რუსეთთან ყველაზე დაბალ და სახიფათო დონეზეა. ამისთვის მადლობა კონგრესს უნდა გადაუხადოთ, იმავე ადამიანებს, ვინც ჩვენთვის სამედიცინო დაზღვევის მოცემა ვერ შეძლეს“, - წერს დონალდ ტრამპი.
ცნობისთვის, გუშინ აშშ-ის პრეზიდენტმა რუსეთისთვის სანქციების გამკაცრების შესახებ კანონს ხელი მოაწერა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
