ვებგვერდზე eAuction.ge გადახდა გამარტივდა. ვებგვერდის საგადახდო სისტემას სს ,,ტერაბანკი“ შემოუერთდა.

www.eAuction.ge-ს მომხმარებლებს საშუალება აქვთ, ტერაბანკის ვიზა ბარათებითაც განახორციელონ ელექტრონული გადახდები და სხვადასხვა ტიპის ფინანსური ოპერაციები ხელსაყრელი საკომისიო ტარიფით.

დღეის მდგომარეობით ვებგვერდზე 5 კომერციული ბანკის ელექტრონული კომერცია მოქმედებს:

• ლიბერთი ბანკი
• საქართველოს ბანკი
• თიბისი ბანკი
• ქართუ ბანკი
• ტერაბანკი

ნებისმიერ დაინტერესებულ ფიზიკურ და იურიდიულ პირს საშუალება აქვს ისარგებლოს სასურველი ბანკის მომსახურებით და გადაიხადოს აუქციონში მონაწილეობის საგარანტიო/დარჩენილი ღირებულებები, ამასთან, გადაიხადოს ვებგვერდით სარგებლობის მომსახურების თანხები.

დამატებით, ნებისმიერ დაინტერესებულ ფიზიკურ და იურიდიულ პირს საშუალება აქვს ლიბერთი ბანკის თვითმომსახურების ტერმინალებით (LB PAY აპარატი), სწრაფად და მარტივად, განახორციელოს ელექტრონული აუქციონის საგარანტიო, დარჩენილი ღირებულებებისა და ვებგვერდის მომსახურების თანხების გადახდა.

LB PAY აპარატის მეშვეობით ჩასარიცხი თანხის ლიმიტი განსაზღვრულია 0,5 ლარიდან - 1500 ლარამდე.

სსიპ ,,საქართველოს ფინანსთა სამინისტროს მომსახურების სააგენტო“ განაგრძობს განვითარებას და მაქსიმალურად ამარტივებს ქონების ყიდვა-გაყიდვასთან დაკავშირებულ პროცედურებს.

ვებგვერდის eAuction.ge მეშვეობით ნებისმიერი დაინტერესებული ფიზიკური და იურიდიული პირი სახელმწიფო და კერძო საკუთრებაში არსებული უძრავ/მოძრავი ქონების ინტერნეტ აუქციონის მეშვეობით ყიდვა/გაყიდვის სერვისით სარგებლობას შეძლებს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა