აჭარის მთავრობის თავმჯდომარემ ზურაბ პატარაძემ რუმინეთის საგანგებო და სრულუფლებიან ელჩთან საქართველოში რადუ ლივიუ ჰორუმბასთან გაცნობითი ხასიათის შეხვედრა გამართა.

აჭარის მთავრობის ადმინისტრაციის პრესსამსახურის ინფორმაციით, შეხვედრაზე საქართველოსა და რუმინეთს შორის არსებული თანამშრომლობის გაღრმავებაზე ისაუბრეს.

ამასთან, მხარეებს შორის ყურადღება სავაჭრო-ეკონომიკის განვითარების ძირითად მიმართულებებსა და ტურიზმის განვითრების საკითხებზე გამახვილდა. საუბარი შეეხო ქალაქების კონსტანცასა და ბათუმის დამეგობრებას. ელჩმა მზაობა გამოთქვა რუმინეთის სხვა ქალაქებთან ურთიერთანამშრომლობაზეც. აღნიშნა, რომ რუმინეთსა და საქართველოს საერთო ინტერესები გააჩნიათ. კერძოდ, ბათუმი შეიძლება გახდეს სატრანზიტო კორიდორი ევროპასა და აზიას შორის.

,,ჩვენ ერთად ვქმნით ხიდს, რომლეიც გვაერთიანებს და ერთად მუშაობით შეგვიძლია ვიქცეთ ევროპისთვის აზიასი გსასვლელ ფანჯარად. ჩვენს ქვეყნებს ბევრად მეტი საერთო აქვთ და გაცილებით მეტი ღრმა ურთიერთობებია შესაძლებელი", - აღნიშნა რუმინეთის ელჩმა რადუ ლივიუ ჰორუმბამ.

მთავრობის თავმჯდომარემ მზადყოფნა გამოთქვა მხარი დაუჭიროს ყველა საჭირო ღონისძიების გატარებას არსებული ინიციატივების განსახორციელებლად.

რუმინეთი ევროკავშირის წევრი პირველი სახელმწიფოა, რომელმაც საქართველოსა და ევროკავშირს შორის ასოცირების შესახებ შეთანხმებების რატიფიცირება მოახდინა (2014 წლის 3 ივლისი). 2013-2016 წლებში საქართველოში რუმინეთის საელჩო ასრულებდა ნატო-სთან საკონტაქტო საელჩოს ფუნქციას. რუმინეთს ევროკავშირის სადამკვირვებლო მისიაში (EUMM) საქართველოში მონიტორთა ყველაზე დიდი რიცხი ჰყავს - 27 მონიტორი.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა