აჭარაში დღეიდან სტრატეგიული სამმხრივი სოციალური პარტნიორობის კომისია ამოქმედდება.

აჭარის მთავრობის ადმინისტრაციის პრესსამსახურის ინფორმაციით, კომისიის შექმნასთან დაკავშირებით გაიმართა სამუშაო შეხვედრა თემაზე სამმხრივი სოციალური დიალოგი ეროვნულ დონეზე ევროპის კონტექსტში. კომისიას ოფიციალურად აჭარის მთავრობის თავმჯდომარე ზურაბ პატარაძე უხელმძღვანელებს. მთავრობის თავმჯდომარემ  მისასალმებელი სიტყვით მიმართა დამსწრე საზოგადოებას და   სოციალური პარტნიორობის სამმხრივი კომისიის აჭარის რეგიონში  შექმნის მნიშვნელობაზე ისაუბრა და ყურადღება გაამახვილა კომისიის მუშაობის პროცესში მთავრობის ჩართულობაზე.

,,მოხარული ვარ, რომ დღეს საზოგადოებისთვის ძალიან საინტერესო თემის ირგვლივ - აჭარაში სოციალური პარტნიორობის სამმხრივი კომისიის შექმნის მიზნით შევიკრიბეთ. სამმხრივი კომისია უკვე არსებობს ეროვნულ დონეზე და მისი შექმნა აჭარაში ხაზს უსვამს ჩვენი რეგიონის მნიშვნელობას, მის შესაძლებლობებსა და მზარდ განვითარებას. საკითხები, რომლებზედაც უნდა იმუშაოს აჭარაში დაარსებულმა სოციალური პარტნიორობის სამმხრივმა კომისიამ, საინტერესოა როგორც ჩვენი მოქალაქეებისთვის, ისე  საერთაშორისო საზოგადოებისთვის. მნიშვნელოვანია, თუ როგორ გავართმევთ თავს ახალ რეფორმებს, გავაუმჯობესებთ ჩვენი მოქალაქეების შრომით უფლებებს, დავამკვიდრებთ დემოკრატიის თანამედროვე სტანდარტებს" - აღნიშნა ზურაბ პატარაძემ.

აჭარაში მოქმედი სოციალური პასუხისმგებლობის სამმხრივი კომისია წარმოდგენილია  აჭარის ჯანმრთელობისა და სოციალური დაცვის სამინისტროს, ფინანსთა და ეკონომიკის სამინისტროს, განათლებისა და კულტურის სამინისტროს და აჭარის ტერიტორიაზე რეგისტრირებული დამსაქმებელთა და დასაქმებულთა გაერთიანებების შემადგენლობით. კომისია დაარეგულირებს ურთიერთობებს დასაქმებულსა და დამსაქმებელს შორის, დაიცავს მშრომელთა უფლებებსა და უსაფრთხოებას, განიხილავს შრომით დავებს.

სოციალური პარტნიორობის სამმხრივი კომისია საზოგადოებრივი მოძრაობაა და საქართველოში 2013 წლიდან მოქმედებს. მისი მიზანი და ამოცანაა სოციალური პარტნიორობის განვითარება, დასაქმებულებს, დამსაქმებლებსა და საქართველოს მთავრობას შორის სოციალური დიალოგის წარმართვის ხელშეწყობა, ასევე, შრომით ურთიერთობებში, რიგ სადავო საკითხებში, წინადადებებისა და რეკომენდაციების შემუშავება.

შეხვედრას ესწრებოდნენ საქართველო შრომის, ჯანმრთელობისა და სოციალური დაცვის სამინისტრო წარმომადგენელი ელზა ჯგერენაია, საქართველოს პარლამენტის ჯანდაცვის კომისიის თავმჯდომარე აკაკი ზოიძე, საქართველოს პროფესიული კავშირების გაერთიანების ხელმძღვანელი ირაკლი პეტრიაშვილი, საქართველოს დამსაქმებელთა ასოციაციის ხელმძღვანელი მიხეილ კორძაია, შრომის საერთაშორისო ასოციაციის წარმომადგენლები ლეო სიბელი და ჟოლტ დუდაში,  აჭარის მინისტრთა კაბინეტი და აჭარის დასაქმების სააგენტოს ხელმძღვანელი.

ღონისძიების ორგანიზატორია მსოფლიო შრომის ორგანიზაცია (ILO) და საქართველოს შრომის, ჯანმრთელობისა და სოც. უზრუნველყოფის სამინისტრო.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსული დრონები კიევის რეგიონში კოკა-კოლას ქარხანას თავს დაესხნენ

პოლონეთმა ევროკავშირიდან თითქმის ათასი რუსი დიპლომატის გაძევების წინადადება წამოაყენა

ტრამპმა გადაწყვიტა, ევროპას მოითხოვოს, აშშ-ს უკრაინაში წარსულში მიწოდებული იარაღისთვის გადახდა

ადვოკატი ღარიბაშვილზე- მან კონკრეტული ფაქტები ერთმანეთს დაუკავშირა, საჯაროდ გაახმოვანა და კითხვებიც დასვა