მოლდოვაში ვიზიტის ფარგლებში საქართველოს საგარეო საქმეთა მინისტრმა მიხეილ ჯანელიძემ შეხვედრა გამართა მოლდოვას რესპუბლიკის პარლამენტის პრეზიდენტთან ანდრაინ კანდუსთან.

საგარეო უწყების პრესსამსახურის ინფორმაციით, შეხვედრაზე მხარეებმა ხაზი გაუსვეს ორი ქვეყნის მეგობრულ და პარტნიორულ ურთიერთობებს და თანამშრომლობის საპარლამენტთაშორისო განზომილებას. ამ მხრივ განსაკუთრებით აღინიშნა გასულ კვირას საქართველოს, მოლდოვასა და უკრაინის პარლამენტების ერთობლივი მიმართვა ევროპარლამენტისადმი, რომელიც ევროკავშირის ასოცირებული ქვეყნებისთვის ევროპული პერსპექტივის მხარდაჭერის გამოხატვას გულისხმობს.
მხარეებმა გამოთქვეს მზადყოფნა მომავალშიც ხელი შეუწყონ ორი ქვეყნის საკანონმდებლო  ორგანოების აქტიურ თანამშრომლობას როგორც ორმხრივ, ასევე საერთაშორისო ფორმატებში, მათ შორის  მოლდოვის რესპუბლიკის პარლამენტის პრეზიდენტმა გამოხატა დაინტერესება უმასპინძლოს საქართველოს, უკრაინისა და მოლდოვის სამმხრივ საპარლამენტო შეკრებას. თავის მხრივ საქართველოს საგარეო საქმეთა მინისტრმა გამოხატა მზადყოფნა საქართველომ, როგორც სუამის თავმჯდომარე ქვეყანამ ხელი შეუწყოს დემოკრატიისა და ეკონომიკური განვითარების - სუამ-ის ფარგლებში საპარლამენტო თანამშრომლობის გააქტიურებას.

საუბარი შეეხო ურთიერთ გამოცდილების გაზიარებას ქვეყნის განვითარების პროცესში. მოლდოვას პარლამენტის პრეზიდენტმა ხაზი გაუსვა საქართველოს შთამბეჭდავ პროგრესს მრავალი მიმართულებით, რაც მისი განცხადებით სამაგალითოა მოლდოვასათვის.

შეხვედრაზე განსაკუთრებული ყურადღება დაეთმო თანამშრომლობის მნიშვნელობას  საერთო გამოწვევების დაძლევის პროცესში და აღინიშნა სუვერენიტეტისა და ტერიტორიული მთლიანობის ურთიერთმხარდაჭერა, ისევე როგორც მჭიდრო თანამშრომლობა ევროპული ინტეგრაციის მიზნების განხორციელებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად