ერაყში სამხედროებმა ISIS-ის 35 ე.წ. ბოევიკის ლიკვიდირება მოახდინეს - „მოსული რამდენიმე საათში გათავისუფლდება“

2017-07-08 14:18:26, 3138 ნახვა

მსოფლიო

ერაყის სამხედრო ძალებმა ქალაქ მოსულში ტერორისტული დაჯგუფება "ისლამური სახელმწიფოს" 35 ე.წ. ბოევიკის ლიკვიდირება მოახდინეს, - ამის შესახებ სააგენტო xinhuanet იუწყება.

"ჩვენი ძალები წინსვლას განაგრძობენ. ძველი ქალაქის მხოლოდ პატარა ნაწილია დარჩენილი, რომელიც ასევე გაიწმინდება ტერორისტებისგან", - განაცხადა სამხედრო ძალების ხელმძღვანელმა იაჰია რასულმა.

სააგენტო Reuters-ის ინფორმაციით, მოსულის სრული გათავისუფლების შესახებ ერაყის სამხედრო ძალები რამდენიმე საათში განაცხადებენ.

შეგახსენებთ, რომ მოსულის გასათავისუფლებლად ბრძოლა სახელისუფლებო ძალებმა 2014 წლის ზაფხულიდან დაიწყეს. ომის განმავლობაში დაბომბვის შედეგად ათასობით მშვიდობიანი მოსახლე გარდაიცვალა, 850 000 კი იძულებული გახდა, სახლი მიეტოვებინა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან