გერმანიის ყოფილ კანცლერს ჰელმუტ კოლს დღეს დაკრძალავენ, - ამის შესახებ BBC იუწყება.

მედია საშუალების ინფორმაციით, ევროპარლამენტში პოლიტიკოსს მსოფლიო ლიდერები დაემშვიდობნენ. მათ გერმანიისა და ევროპის გაერთიანებაში კოლის წვლილს გაუსვეს ხაზი.

როგორც მედია წერს, კოლმა დაყოფილი გერმანიის გაერთიანებაში და ევროპის განვითარებაში გადამწყვეტი როლი ითამაშა.

გერმანიის მოქმედი კანცლერის ანგელა მერკელის განცხადებით, კოლი მიიჩნევდა, რომ ევროპაში ომი აღარ უნდა განმეორდეს. 

"ახლა ჩვენი დროა, რომ შენი ფასეულობები და მემკვიდრეობა განვავითაროდ, სხვებს ჩავუნერგოთ. ქედს ვიხრი შენს წინაშე, იმ მადლიერების გამოსახატად, რომელიც გამაჩნია შენი პიროვნებისადმი", - განაცხადა ანგელა მერკელმა ერვოპარლამენტში სიტყვით გამოსვლისას.

გამოსამშვიდობებელი სიტყვა საფრანგეთის პრეზიდენტმა ემანულ  მაკრონიმაც წარმოთქვა.

„ის საზღვრებს ხიდებს ამჯობინებდა, რომ არაფერი ვთქვათ კედლებზე“- აღნიშნა მაკრონმა.

მედიის ინფორმაციით, ცერემონიას ბილ კლინტონი, ანგელა მერკელი, ტერეზა მეი და დიმიტრი მედვედევიც ესწრებოდნენ.

ცნობისთვის, კოლი 1982-დან 1998 წლის ჩათვლით გერმანიის ფედერაციული რესპუბლიკის კანცლერის პოსტს იკავებდა. ევროპისთვის გაერთიანების სიმბოლოდ ის დასავლეთ და აღმოსავლეთ გერმანიის გაერთიანებაში, 1990 წელს შეტანილი წვლილის დამსახურებით იქცა. მისივე წყალობით მოეწერა ხელი დოკუმენტს, რომელიც ევროკავშირის იმ სახით შექმნას გულისხმობდა, რომელსაც დღეს ვიცნობთ. ჰელმუტ კოლი 88 წლის ასაკში გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს